Qazaqstanda 18,5 myńǵa jýyq Abaı turady

ASTANA. QazAqparat - Búgin - Qazaqstanda Abaı kúni. Ulttyq statıstıka bıýrosy uly oıshyl kúnine oraı aqyn esimimen attas qazaqstandyqtar týraly derekterdi usyndy, dep habarlaıdy QazAqparat.

«Búginde elimizde Abaı esimi qoıylǵan 18 452 adam turady. Aqynmen attas turǵyndar sany Túrkistan oblysynda kóp kezdesedi – 2050 adam. Sondaı-aq uly aqynnyń esimi berilgen adam sany Astanada kóp – 1930 adam. Alǵashqy úshtikti Abaı esimdi 1 588 adam turatyn Almaty oblysy túıindeıdi. Oıshyl esimi bar turǵyn sany Ulytaý óńirinde eń az – 194 adam.

Aqynnyń týǵan ólkesinde (Abaı obl.) 238 adam turady», - dep jazdy vedomstvodan.

Jas quramyn qarasaq, Abaı esimdi 17 jasqa deıingi 4297 bala bar, al 18 ben 44 jas aralyǵynda 8231 adam.