Qazaqstanda 17,5 myń adam esirtkige táýeldi

ASTANA. KAZINFORM – Nashaqorlardyń arasynda áıelder men balalar da bar. Bul jóninde QR Іshki ister mınıstrligi resmı saýalymyzǵa joldaǵan jaýabynda málimdedi.

– 2026 jylǵy 1 naýryzdaǵy jaǵdaı boıynsha 17 573 esirtkige táýeldi adam, onyń ishinde 1 596 áıel jáne 40 kámeletke tolmaǵan jasóspirim tirkelgen, - delingen habarlamada.

Mınıstrlikte ótken jyldyń aqpan aıynda nashaqorlyq jáne esirtki qylmystarynyń profılaktıkasy jónindegi keńes qurylǵan. Onyń quramyna tanymal tulǵalar, QR Prezıdenti janyndaǵy Jastar saıasaty jónindegi keńes músheleri, Qazaqstan halqy Assambleıasynyń ókilderi, blogerler, ártister, sportshylar, qoǵam qaıratkerleri, sarapshylar men narkologtar kiredi. Olar túrli is-sharalar, suhbattar, kezdesýler ótkizedi.

Ókinishke qaraı, zańsyz esirtki saýdasy túp-tamyrymen joıylmaı tur.

– Jyl basynan beri 881,6 keli esirtki, onyń ishinde 104,3 keli sıntetıkalyq esirtki tárkilendi, - delingen resmı jaýapta.

Aıta keteıik, buǵan deıin Qostanaı oblysynda er adamnan 200 keliden astam esirtki tárkilengenin jazǵanbyz.