Qazaqstanda 1700 km-den astam temirjol salynyp jatyr
ASTANA. KAZINFORM - Eldiń tranzıttik áleýetin arttyrý jáne kólik jelisin qalyptastyrý maqsatynda elde aýqymdy ınfraqurylymdyq jobalar júzege asyrlyp jatyr.
2027 jylǵa deıin 1700 km-den astam jańa temirjol jelileri salynady:
• Dostyq – Moıynty – 836 km (2022–2025)
• Almaty aınalma joly – 75 km (2024–2025)
• Darbaza – Maqtaaral – 152 km (2024–2026)
• Baqty – Aıagóz – 295 km (2025–2027)
• Qyzyljar – Moıynty – 329 km (2025–2026)
-Dostyq–Moıynty ýchaskesindegi ekinshi joldardyń qurylysy jáne Almaty aınalma joly bıyl aıaqtalady,-dep habarlady «Qazaqstan temir joly» Ulttyq kompanııasy» AQ-nyń baspasóz qyzmeti.
- Jańa jelilerdiń iske qosylýy tranzıt pen júk eksportyn arttyrýǵa, óńirlerdiń damýyna, jańa jumys oryndarynyń ashylýyna, Eýrazııanyń kólik haby retinde Qazaqstannyń pozıtsııasyn nyǵaıtýǵa yqpal etedi,-degen úmit bar.
Temirjol salasynda uzyndyǵy 1,3 myń shaqyrymnan astam 4 joba júzege asyrylyp jatyr.