Qazaqstanda 170 myń otbasy jańartylǵan ataýly áleýmettik kómek aldy

NUR-SULTAN. QazAqparat - Elbasynyń «Áleýmettik qamqorlyq» áleýmettik sharalaryn júzege asyrý aıasynda aǵymdaǵy jyldyń 1 sáýirinen bastap jańartylǵan ataýly áleýmettik kómek alýǵa qujattar qabyldaý júrgizilýde. Ótinishter Jumyspen qamtý ortalyqtarynda jáne aýyldyq ákimdikterde qabyldanady, dep habarlaıdy QazAqparat tilshisi.

QR Eńbek jáne halyqty áleýmettik qorǵaý mınıstrliginiń deregine sáıkes, aǵymdaǵy jyldyń 1 sáýirinen 13 mamyryna deıin «E-halyq» júıesi arqyly barlyǵy 230 032 ótinish (1 242 954 adam), onyń ishinde 181 652 (973 624 adam) jańa ótinish qabyldandy. 48 380 otbasyǵa (269 330 adam) buryn taǵaıyndalǵan somalarǵa qaıta esepteý júrgizildi.

Ótinish berýshilerdiń basym bóligi kelesi óńirlerde baıqalady: Túrkistan oblysynda - 54 723 otbasy, Shymkent qalasynda - 31 084 otbasy, Almaty jáne Jambyl oblystarynda 24 443 jáne 24 029 otbasy.

Búgingi kúni 169 770 otbasyǵa jalpy quny 25,3 mlrd teńge bolatyn jańartylǵan formattaǵy ataýly áleýmettik kómek tólendi.

Sonymen qatar Qazaqstan Respýblıkasynyń Eńbek jáne halyqty áleýmettik qorǵaý mınıstrligi ataýly áleýmettik kómek ótinish bergen aıdan bastap taǵaıyndalatynyn jáne ótinish berý kúnine táýeldi emes ekenin eske salady.

"Elbasynyń tapsyrmasyna sáıkes, Qazaqstanda 2019 jyldyń 1 sáýirinen bastap AÁK kórsetý mólsheri kúnkóris deńgeıiniń 50 paıyzynan 70 paıyzyna deıin kóterilip, 20 789 teńgeni qurady. Bul rette, eger AÁK-tiń ortasha mólsheri otbasynyń árbir múshesine buryn 4 834 teńgeni quraǵan bolsa, endi ár balaǵa 20 789 teńge tólenedi. 2019 jyly ataýly áleýmettik kómekke barlyǵy 130 mlrd teńgeden astam qarajat kózdelgen", - delingen mınıstrlik aqparatynda.