Qazaqstanda 17 ushaq qoldanystan alynyp tastaldy
ASTANA. QazAqparat - QR IDM Azamattyq avıatsııa komıteti QR Bas kólik prokýratýrasymen birlesip, shaǵyn avıatsııadaǵy ushý qaýipsizdigin qamtamasyz etý deńgeıin kóterý jumystaryn júrgizip jatyr, dep habarlaıdy QazAqparat vedomstvonyń baspasóz qyzmetine silteme jasap.
«Búgin ushý qaýipsizdigin qamtamasyz etý sharalaryn kúsheıtý máseleleri boıynsha birlesken keńes ótti. Shuǵyl túrde 17 ushaqty (14 An-2 jáne 3 Tecnam ) paıdalanýǵa tyıym salyndy. Sondaı-aq, shaǵyn avıatsııanyń 2 áýe kompanııasynyń qyzmeti ýaqytsha toqtatyldy. Atap aıtqanda, Azııa Kontınental Avıalaıns jáne «QAZAVIA» Táýelsiz áýe kompanııasy» JShS-nyń avıatsııalyq jumystardy atqarý kýáligin paıdalanýǵa shekteý qoıyldy», delingen habarlamada.
Sonymen qatar, QR Ákimshilik kodeksiniń 570-baby boıynsha avıatsııalyq qaýipsizdik talaptaryn buzǵany úshin paıdalanýshy laýazymdy tulǵa ákimshilik jaýapkershilikke tartyldy.
Budan bólek, ushý jáne tehnıkalyq jumystardy sapasyz uıymdastyrǵany úshin áýe kompanııasynyń 16 laýazymdy tulǵasyna tártiptik shara qoldanyldy.
QR IDM Azamattyq avıatsııa komıteti buzýshylyqqa tózbeý qaǵıdasy boıynsha ushý qaýipsizdigin kóterý jumystaryn jalǵastyrýda.
