Qazaqstanda 17 shildede ótetin mańyzdy sharalarǵa sholý

ASTANA

Saǵat 09.45-te  Ulttyq tennıs ortalyǵynda «Prezıdent Kýbogi -2018» týrnıriniń ashylý saltanaty ótedi. Sondaı-aq, saǵat 10.30 -da Ulttyq tennıs ortalyǵynda Qazaqstan tennıs federatsııasynyń vıtse-prezıdenti Dıas Dosqaraev pen Qazaqstan ulttyq quramasy músheleriniń qatysýymen baspasóz máslıhaty ótedi.

Saǵat 10.00-de Úkimet úıinde QR Úkimetiniń otyrysy bastalady.

Saǵat 11.00-de QR Ulttyq mýzeıinde Qytaı Halyq Respýblıkasynyń Elshiligi men Qazaqstan Respýblıkasy Ulttyq mýzeıi birlesip uıymdastyrǵan «Tańǵajaıyp Qytaı. Aspanasty eliniń kórikti jerleri» (III bólim. Soltústik jáne Ortalyq Qytaı) atty fotokórmeniń saltanatty ashylýy ótedi.

Saǵat 12.00-de Ortalyq kommýnıkatsııalar qyzmetinde  FIFA 2018 fýtboldan álem chempıonatynyń qorytyndysyna baılanysty baspasóz máslıhaty ótedi. Sharaǵa «Qazaqstan» teleradıokorporatsııasynyń Basqarma tóraǵasy Erlan Qarın men «QAZSPORT» telearnasynyń dırektory Pavel Tsybýlın qatysady.

ALMATY

Saǵat 10:00-de «Almaty Towers» bıznes ortalyǵynda Qazaqstandyq qor bırjasy baspasóz máslıhatyn ótkizip, onda KASE men bırjalyq naryqtyń 2018 jyldyń birinshi jartyjyldyǵyndaǵy jumys qorytyndysy, aldaǵy josparlary aıtylady.

Saǵat 11:30-da Almaty qalalyq óńirlik kommýnıkatsııalar qyzmetinde «Almatydaǵy turǵyn úı qurylysynyń erekshelikteri men oryndalý merzimi» taqyrybynda baspasóz máslıhaty uıymdastyrylady. Spıker retinde Almaty qalalyq memlekettik sáýlet-qurylys basqarmasynyń basshysy Baǵdat Manzorov sóıleıdi.

Saǵat 15:00-de qalalyq ákimdikte dinı salaǵa qatysty zańnamaǵan engizilgeli otyrǵan ózgeristerge baılanysty, belgilengen máselelerdi sheshý maqsatynda «Monıtorıng jáne taldaý ortalyǵy» Almaty qalasynyń Din isteri basqarmasynyń tapsyrysy negizinde «dóńgelek ústel» ótkizedi.

ATYRAÝ

Saǵat 10.00-de Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha «Kazakh Invest» UQ» AQ-men birlesken front-keńsesi ashylady.

KÓKShETAÝ

Saǵat 15:00-de «Dostar» Mədenıet úıinde «Rýhanı jańǵyrý» baǵdarlamasy aıasynda «Ólke tarıhy - el tarıhy» jobasynyń tusaýkeseri ótedi. Sharany Aqmola oblystyq arhıv jəne qujattama basqarmasy uıymdastyrady. Tusaýkeserge arhıv salasynyń qyzmetkerleri, memlekettik organdardyń ókilderi, ardagerler men jastar uıymdarynyń ókilderi qatysady.