Qazaqstanda 17 shildede ótetin mańyzdy oqıǵalarǵa sholý

NUR-SULTAN

Saǵat 11:00-de QR Mádenıet jáne sport mınıstri Aqtoty Raıymqulova «Slavıan bazary-2019» halyqaralyq festıvalinde Gran-prıge ıe bolǵan Ádilhan Makınmen, «Moloda Galıchına» 26-shy Halyqaralyq án festıvaliniń birinshi dárejeli dıplomanty Mereke Kenjegúlmen, Gran-prı ıegeri Qýanysh Erzatulymen, júldegerleri «Qazaq qyzdary» toby múshelerimen kezdesedi. Shara mınıstrlikte ótedi.

Saǵat 11:30-da «Astana» áleýmettik kásipkerlik korporatsııasy» iQala qalalyq qyzmetter ortalyǵynda ashyq esik kúnin ótkizedi.

Saǵat 15:00-de Ortalyq kommýnıkatsııalar qyzmetiniń ashyq alańynda Qazaqstannyń árbir óńiriniń jastaryn shoǵyrlandyrý jáne olardyń arasynda ishki týrızmdi damytýǵa baǵyttalǵan JASTAR KERÝENI respýblıkalyq jobasynyń tusaýkeserine arnalǵan baspasóz konferentsııasy ótedi.

ALMATY

Saǵat 10.00-de Almaty haıýanattar baǵynda parktiń eń «kónekóz» janýary Alkor men onyń baǵýshysy Sergeı Spıtsyn aıý janashyrlarymen kezdesedi. Onda aq aıýlardy haıýanattar baǵynda ustaý máseleleri talqylanady.

Saǵat 10.00-de «Kazgıprovodhoz ınstıtýty» óndiristik kásipornynda «Almaty qalasyna qosylǵan kentterdiń ınjenerlik jelilerin damytý» taqyrybynda qoǵamdyq tyńdaý ótedi.

Saǵat 12.00-de Qazaqstan baspasóz klýbynda «Táýelsiz ómir: Qazaqstan men álemdegi mentaldyq buzýshylyqtary bar adamdar» taqyrybynda baspasóz konferentsııasy bastalady.

19.00-de Esentai mall saýda, oıyn-saýyq ortalyǵynda Esentai mall «Arystan patsha» fılminiń qazaqsha kórsetilimi bolady.