Qazaqstanda 17 naýryz kúni ótetin mańyzdy sharalarǵa sholý
ASTANA. QazAqparat - «QazAqparat» halyqaralyq aqparat agenttigi 17 naýryz kúni ótetin Qazaqstandaǵy mańyzdy oqıǵalarǵa sholýdy usynady.
ASTANA
Saǵat 11.00-de «Pekın palas» qonaq úıinde Qytaıdaǵy kóktem merekesi men Beıjińdegi EHRO-2019 kórmesine arnalǵan ART-EVENT «Open Road» jobasynyń tusaýy kesiledi.
ALMATY
Saǵat 09.00-de «Almaty marafon» ekinshi dástúrli júgirýi ótedi. Bul kúni Ál-Farabı dańǵylymen myńnan astam adam júgiredi dep kútilýde.
Saǵat 09.00-de QR DSM Qazaq onkologııa jáne radıologııa UZI Almaty qalasynda jáne basqa da óńirlik onkodıspanserlerde ashyq esik kúni ótedi.
Saǵat 12.00-de Qasteev atyndaǵy memlekettik óner mýzeıinde «Uly Jibek joly» 4 metrlik kóılekterdiń kórsetilimi ótedi
ShYMKENT
Saǵat 10:00-de «OŃTÚSTІK» aımaqtyq ınvestıtsııalyq ortalyǵy» ǵımaratynyń aldynda Ulystyń uly kúni Naýryz merekesine oraı jármeńke ótedi. Atalǵan jármeńkede tek qana «OŃTÚSTІK» AIO jáne «Yrys» mıkroqarjy uıymy arqyly qarjylandyrylǵan taýar óndirýshileri óz ónimderin naryqtan tómen baǵada usynatyn bolady. Sharada 40-qa jýyq kásipker qatysady.
TALDYQORǴAN
Saǵat 13:00-de Jýrnalıster úıinde Elbasy N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda belgili fotograf Karınov Manat Serikbaıulynyń «STREET PHOTO» sheberlik saǵaty uıymdastyrylady.
MAŃǴYSTAÝ
Saǵat 9:30-da «Kishi Oımasha» kóliniń jaǵalaýynda jappaı senbilik ótedi.
