Qazaqstanda 17 mln. tonna mal azyǵy daıyndaldy
«Jem-shóp daıyndaý joǵary qarqynmen júrgizilýde. 12 qyrkúıektegi jaǵdaı boıynsha 17 mıllıon tonna jem-shóp daıyndaldy, bul jospardyń 111 paıyzyn quraıdy», - dedi ol.
Aǵymdaǵy jyly mınıstrlik pen jergilikti atqarýshy organdar mal azyǵy qoryn damytýǵa baǵyttalǵan sharalardy qabyldaý maqsatynda egistik alqaptardy ártaraptandyrý, birjyldyq jáne kópjyldyq azyq daqyldarynyń egistik kólemin keńeıtý boıynsha jumystar júrgizgen.
Jalpy, QR Statıstıka agenttiginiń málimetteri boıynsha 2013 jyly azyqtyq daqyldar 3,1 mln. gektar alqapqa otyrǵyzylyp, 2012 jyldyń deńgeıinen 258,4 myń gektarǵa nemese 9%-ǵa artqan. Bul rette súrlemdik azyqtar 82,2 myń gektarǵa, birjyldyq ósimdikter 571 myń gektarǵa jáne kóp jyldyq ósimdikter byltyrǵy jylǵy egisterdi eskere otyryp 2,4 mln. gektarǵa sebilgen.