Qazaqstanda 17 myńnan astam kıik múıizi tárkilendi
ASTANA. KAZINFORM — Keıingi eki jylda Qazaqstanda qylmyskerlerden 17 myńnan astam kıik múıizi men 500 kıiktiń eti tárkilendi. Bul týraly Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń otyrysynda QR Ekologııa jáne tabıǵı resýrstar vıtse-mınıstri Nurken Shárbıev málim etti.
— Qylmystyq zańnamanyń qatańdyǵyna qaramastan, brakonerlik áreketter áli de bar. Sońǵy eki jylda qylmyskerlerden 17 myńnan astam aqbóken múıizi men 500-den astam kıik tárkilendi, — dedi N. Shárbıev.
Onyń aıtýynsha, Qazaqstanda kıik sany 2003 jylǵy 21 myńnan 2025 jyly 5 mln-ǵa deıin jetti. Jalpy, búginde jer betindegi kıik popýlıatsııasynyń 99 paıyzy Qazaqstanda aýmaǵynda jaıylyp júr.
Aıta keteıik, elimizde kıik múıizin zańdy túrde eksporttaýǵa ruqsat berilýi múmkin.
Budan buryn habarlanǵandaı, elimizde qar barysynyń sany artyp keledi.
Sonymen qatar, Qazaqstanda sırek kezdesetin janýarlar tizimine taǵy 11 túri engizilmek.