Qazaqstanda 17 mıkroqarjy uıymy lıtsenzııasynan aıyryldy
Mundaı derekter «Ashyq NQA» portalynda «QR keıbir zańnamalyq aktilerine qarjy uıymdarynyń qyzmetin retteý jáne qarjylyq kórsetiletin qyzmetterdi tutynýshylardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» qujatta qamtylǵan.
«Mıkronesıe berý sektorynda 252 mıkroqarjy uıymy óz qyzmetin júzege asyrýǵa lıtsenzııa alǵan, bul rette 2022 jyldyń basynan bastap 17 kompanııa lıtsenzııasynan aıyryldy. Sonymen qatar, Qazaqstan Respýblıkasy zańnamasynda Qarjy naryǵyn retteý jáne damytý agenttiginiń qarjy uıymynyń áreketi ne áreketsizdigi májbúrlep taratýǵa nemese ony bankrot dep tanýǵa ákep soqqan tulǵalardy esepke alýdy júrgizý múmkindigi kózdelmegen. Osyǵan baılanysty olardyń ózge qarjy uıymdarynda basshylyq laýazymǵa ornalasýyna jol bermeý maqsatynda osy tulǵalardyń esebin jáne baqylaýyn júrgizýdi usynady. Osylaısha, ýákiletti organ josyqsyz adamdardyń qarjy sektoryndaǵy laýazymdarǵa ornalasýyna jol bermeý jóninde sharalar qabyldaı alady», - delingen qujatta.
