Qazaqstanda 17 qazanda Rýhanı kelisim kúni atap ótiledi

ASTANA. QazAqparat - Qazaqstanda 17 qazanda Rýhanı kelisim kúni atap ótiledi. Bul týraly búgin Ortalyq kommýnıkatsııalar qyzmetinde ótken brıfıngte Qazaqstan halqy Assambleıasy Tóraǵasynyń orynbasary, QHA Hatshylyǵynyń meńgerýshisi Eraly Toǵjanov aıtty.

«17 qazanda 12 eldiń qatysýymen Rýhanı kelisim kúni atap ótiledi. Aldaǵy ýaqytta qatysatyn memleketterdiń sany odan da ósýi múmkin. Negizinde bul shara - Rýhanı kelisim kúnine arnalǵan Dúnıejúzilik halyqaralyq forýmnyń otyrysy. Mundaı forým bizdiń elimizde 1992 jyldan beri Tólegen Muhamedjanovtyń qatysýymen ótip keledi. Oǵan kóptegen elderdiń ókilderi qatysady jáne qoǵamda úlken rezonans týǵyzady dep oılaımyn», - dedi ol.