Qazaqstanda 17 qańtarda ótetin mańyzdy sharalarǵa sholý
NUR-SULTAN. QazAqparat - «QazAqparat» halyqaralyq aqparat agenttigi 17 qańtarda Nur-Sultan men Almaty qalalarynda ótetin mańyzdy sharalar sholýyn usynady.
10.00-de QR Ádilet mınıstri Marat Beketaevtyń tóraǵalyǵymen Ádilet mınıstrliginiń keńeıtilgen alqa otyrysy ótedi.
15.00-de QR Ulttyq mýzeıiniń Ǵylymı kitaphanasynda QR Prezıdenti Qasym-Jomart Toqaevtyń «Abaı jáne HHІ ǵasyrdaǵy Qazaqstan» atty maqalasyn talqylaýǵa arnalǵan dóńgelek ústel ótedi.
17.00-de Nur-Sultan qalalyq sotynda «QR Ákimshilik quqyqbuzýshylyqtar kodeksine ózgerister men tolyqtyrýlar engizý týraly» zańdy júzege asyrý boıynsha dóńgelek ústel ótedi.
ALMATY
10.00-de Almaty qalasy ákimdiginiń baspasóz ortalyǵynda «Almaty qalasynyń aıryqsha mártebesi týraly» zańǵa ózgertýler men tolyqtyrýlar engizý aıasynda jasyl qordy damytý keleshegine arnalǵan baspasóz máslıhaty ótedi. Spıker – Almaty qalalyq jasyl ekonomıka basqarmasynyń basshysy Erjan Seıtenov.
10.30-da QR Ulttyq kitaphanasynda Qazaq memlekettik tsırkiniń dırektory, mádenıet qaıratkeri, teatr synshysy Nurbaqyt Bókebaevtyń «Qazaqstandaǵy tsırk óneriniń damýy» monografııasynyń tusaýkeseri ótedi. Monografııa qazaq tsırkiniń 50 jyldyǵy qarsańynda jaryq kórdi.
12.00-de Dostyq úıinde Almaty qalasy boıynsha Sybaılas jemqorlyqqa qarsy qyzmettiń jemqorlyqtyń aldyn-alý jumystary, iske asyrylǵan jobalar men bastamalary, jobalyq keńseler jumysynyń nátıjelerine arnalǵan qorytyndy esep berý kezdesýi ótedi.
12.00-de «Nur Otan» ǵımaratynda respýblıkalyq «Joldaǵy qabyldaý» aktsııasy aıasynda Ákimshilik polıtsııa basqarmasynyń basshysy Jandos Muratalıev zańdarǵa engizilgen sońǵy ózgerister, onyń ishinde ákimshilik quqyq buzýshylyq, sheteldik avtomobılder týraly baptarǵa qatysty brıfıng ótkizedi.
16.00-de Almatydaǵy respýblıkalyq Dostyq úıinde Qazaqstan halqy Assambleıasynyń eriktiler ortalyqtarynyń biryńǵaı ashyq esik kúni ótedi. Іs-shara barysynda eriktilerdiń maqsattary men mindetterin túsindiretin Tujyrymdama tanystyrylady.
