Qazaqstanda 17 iri kópbeıindi aýrýhana salynady
«2025 jylǵa deıin perspektıvalyq josparlarda óńirlerdiń ákimdikteri memlekettik-jekeshelik áriptestikti qoldaý arqyly jalpy somasy 1 trln teńge bolatyn 201 jobanyń qurylysyn josparlap otyr. Onyń ishinde tozǵan 61 aýrýhanalyq uıymnyń ornyna 17 iri kópbeıindi aýrýhana qurylysyn salý kózdelgen. Іri jobalardy iske asyrý ınvestıtsııalyq shyǵyndardy óteýmen memlekettik-jekeshelik áriptestik tetigi arqyly usynylady. Bul bıýdjettik qarjylandyrýǵa balama bolyp sanalady», - dedi vıtse-mınıstr.
Sonymen qatar, onyń aıtýynsha, búgingi kúni memlekettik-jekeshelik áriptestik jobalaryndaǵy memlekettik mindettemelerdiń lımıtteri boıynsha jergilikti atqarýshy organdar 161 mlrd teńge somasynda nemese barlyq salalar boıynsha kózdelgen jalpy somadan 17 paıyzǵa mindettemeler aldy.
«Osylaısha ekonomıkanyń barlyq sektoryna memlekettik-jekeshelik áriptestik jobalary boıynsha óńirlerdiń memlekettik mindettemeleriniń jalpy qaldyǵy 801 mlrd teńgeni qurady. Bul densaýlyq saqtaý sektorynyń qajettiligin jappaıdy», - dedi A.Tsoı.