Qazaqstanda 165 myńnan astam ańshy esepte tur
«Esep boıynsha sońǵy 3-4 jyl ishinde ruqsaty bar 83 myńǵa jýyq belsendi ańshy tirkelgen. Alaıda, Іshki ister mınıstrliginiń málimeti boıynsha atys qarýyn ıelengen 165 myńnan astam ańshy esepte tur. Demek atys qarýyn ıelengen ańshylardyń jartysy is júzinde ań aýlaýǵa qatysy joq degen sóz», - dedi Ámirhan Rahymjanov Májilistiń jalpy otyrysynda depýtattyq saýal jasaı otyryp.
Onyń aıtýynsha, ańshyǵa qarý resmı kýáligi bolǵan jaǵdaıda ǵana berilýi kerek.
«Osyǵan oraı joǵaryda atalǵan derek quqyq qorǵaý organdaryn alańdatyp otyr. Óıtkeni, «Jekelegen qarý túrleriniń aınalymyna memlekettik baqylaý jasaý týraly» zańyna sáıkes qarý ańshy kýáligi bolǵan kezde ǵana beriledi. Sondyqtan ony berýdiń túpnusqalyǵy men zańdylyǵy, sondaı-aq berilgen qarýdyń ańshylyqta paıdalaný merzimi — ózekti másele», - deıdi ol.
Buǵan deıin Ámirhan Rahymjanov elimizde ańshy kýáligin jyl saıyn qaıta tirkeý kerektigi máselesin kótergen edi .
Foto: static.ngs.ru