Qazaqstanda 165 mekteptiń ekinshi synyp oqýshylary aǵylshyn tilin úırene bastady
ASTANA. 23 qyrkúıek. QazAqparat - Qazaqstandyq 165 mektepte ekinshi synyptyń oqý baǵdarlamasyna aǵylshyn tilin engizý jónindegi tájirıbe bastaldy,
dep habarlaıdy pm.kz saıty QR Bilim jáne ǵylym mınıstrliginiń baspasóz qyzmetine silteme jasap.
«165 mekteptiń ekinshi synyp oqýshylary tájirıbe aıasynda aǵylshyn tilin ıgere bastady. 2013 jyldyq qyrkúıek aıynan bastap elimizdiń mektepterinde aǵylshyn tilin 1 synyptan bastap oqytýdy kezeń-kezeńmen engizý úderisi bastalady, osy maqsatta Bilim berýdiń jalpyǵa mindetti memlekettik standartty bekitilip otyr», - delingen vedomstvo habarlamasynda.
Sonymen qatar, mektepterde keıbir pánderdi aǵylshyn tilinde oqytýdy birtindep engizý jumysy bastalmaq.
Bilim jáne ǵylym mınıstrliginiń aqparaty boıynsha, ekinshi synyptap bastap aǵylshyn tiline oqytýdy uıymdastyrý tájirıbesine bastaýysh bilim júıesiniń 2 myńnan astam aǵylshyn tili muǵalimi jumyldyrylyp otyr.
Oǵan qosa, aǵymdaǵy jyldyń qyrkúıek aıynan bastap pedagogterdi profıldik pánderi boıynsha aǵylshyn tiline úıretý jumysy bastaldy.
Bul is-sharalardy Bilim jáne ǵylym mınıstrligi tilderdiń úshtuǵyrlyǵyn engizý jónindegi Elbasynyń tapsyrmasy aıasynda juzege asyrýda.
