Qazaqstanda 165 adam tumaýdan emdeldi
«Jyl basynan bastap respýblıkanyń táýlik boıǵy statsıonarlaryna «Tumaý» dıagnozymen 245, JRVI-men 14,5 myń adam jatqyzyldy. 31 qańtardaǵy aqparatqa sáıkes, tumaýdan 165, JRVI-dan 10,1 myń patsıent emdeldi. Qazirgi tańda aýrýhanalarda «Tumaý» dıagnozymen 80 adam emdelýde. Syrqattanǵan adamdardyń jaǵdaıy turaqty dep baǵalanyp otyr, olar QR Densaýlyq saqtaý jáne áleýmettik damý mınıstrliginiń baqylaýyna alyndy», - delingen QR Densaýlyq saqtaý jáne áleýmettik damý mınıstrligi taratqan habarlamada.
Mınıstrliktiń málimdeýinshe, Qazaqstannyń medıtsınalyq uıymdary qajetti dári-dármekter, jabdyqtar, vırýsqa qarsy dárilerdiń qory men zalalsyzdandyrý quraldary, sondaı-aq, jeke qorǵaný quraldarynyń (respıratorlar, maskalar) jetkilikti qorymen qamtamasyz etilgen. Respýblıkanyń 19 juqpaly aýrýlar emhanasynda aýrýlarǵa medıtsınalyq kómek kórsetý maqsatynda 6 277 aýrýhana tósegi qarastyrylǵan.
Sonymen birge, respýblıkanyń barlyq aımaqtarynda JRVI men tumaýdy erte kezeńde anyqtaý maqsatynda aýlalyq tekserýler uıymdastyryldy. Jedel medıtsınalyq kómektiń qosymsha brıgadalary qurylyp, emhanalarda qosymsha telefon jelileri uıymdastyryldy. Medıtsına mamandary aýrýdyń deńgeıine kúndelikti baqylaý júrgizip otyr.