Qazaqstanda 160-tan astam adamnyń ınnovatsııalyq jobalary memlekettik granttar arqyly qarjylandyryldy

ASTANA. 19 qazan. QazAqparat - Innovatsııalyq granttar baǵdarlamasynyń jumys istegen eki jylynda 160-tan astam qazaqstandyqtar óz jobalarynyń qarjylandyrylýyna múmkindik aldy.

Bul týraly búgin ındýstrııalyq-ınnovatsııalyq qyzmetti memlekettik qoldaý boıynsha semınarda QazAqparat tilshisine «Ulttyq tehnologııalyq damý agenttigi» AQ-nyń dırektory Gúlnar Esenǵazına aıtty.

Innovatsııalyq granttarǵa qatysýǵa ótinish berý bıylǵy 1 qazannan bastalǵan. Degenmen, G. Esenǵazınanyń sózderinshe, búgingi kúni tek 5 ótinish túsken. «Bizdiń oıymyzsha, ónertapqyshtar men kásipkerler ózderiniń bıznes-ıdeıalaryn tyńǵylyqty daıyndap jatqan bolar», - dep atap ótti ol.

Indýstrııa salasyndaǵy ónertapqyshtardy granttarmen demeý baǵdarlamasyn ulttyq agenttik 2010 jyldan beri júrgizip kele jatyr.