Qazaqstanda 160 mektep pen balabaqsha apatty jaǵdaıda tur
ASTANA. QazAqparat - Elimizde 160 bilim berý jáne tárbıe mekemesi apatty jaǵdaıda ári qalypty talaptarǵa saı emes dep tanylǵan. Bul týraly búgin OKQ-de ótken brıfıngte QR Ulttyq ekonomıka mınıstrligi Tutynýshylar quqyǵyn qorǵaý komıtetiniń tóraǵasy Álıaqpar Mátishev málim etti.
«Apatty jaǵdaıda jáne sanıtarlyq talaptarǵa saı kelmeıtin barlyq nysandardyń jartysynan kóbin, ıaǵnı 67 paıyzyn búginde bilim berý jáne tárbıe mekemeleri quryp otyr. Al densaýlyq saqtaý oryndary 15 paıyz, ıaǵnı 37 nysanǵa jetken», - dep túsindirdi ol.
Onyń aıtýynsha, apatty jáne antısanıtarlyq jaǵdaılardaǵy nysandar jýyrda ótkizilgen tólqujattaý sharasy barysynda anyqtalǵan. Mundaı nysandardyń barlyǵy - 237. Olardyń 164-in budan ári qoldanýǵa sot arqyly tyıym salyndy, al taǵy 73 nysannyń qujattary sottardyń qaraýynda jatyr.
