Qazaqstanda 16 shildede ótetin mańyzdy oqıǵalarǵa sholý

NUR-SULTAN

Saǵat 14.00-de bokstan QR Prezıdentiniń kýbogyn sarapqa salatyn VII halyqaralyq týrnır jalaýyn kótredi.

Saǵat 15.00-de Ulttyq muraǵat ǵımaratynda Qazaqstan halqy Assambleıasynyń ǵylymı-saraptamalyq keńesi men QR Mádenıet jáne sport mınıstrliginiń «Qoljazbalar men sırek kitaptar ulttyq ortalyǵy» RMK arasynda memorandýmǵa qol qoıý rásimi ótedi. Osy shara aıasynda Qazaqstan halqynyń sırek qoljazbalar men kitaptar kórmesi usynylady.

Saǵat 15.00-de QR Indýstrııa jáne ınfraqurylymdyq damý mınıstrliginiń medıa ortalyǵynda «Turǵyn úı qurylysyna úlestik qatysý týraly» brıfıng uıymdastyrylady.

ALMATY

Saǵat 9.30-da Almaty qalasy qoǵamdyq keńesiniń jumys toby jaıly qalalyq orta basqarmasymen, Medeý jáne Almaly aýdandary ákimdikteriniń apparatymen birlese otyryp, trotýarlardyń, jaıaý júrginshi ótkelderiniń, múgedekterge arnalǵan kireberisterdiń qol jetimdiligine, sáýlet jáne qurylys normatıvterine sáıkestigin tekseredi.

Saǵat 11.00-de «Almaty Towers» bıznes ortalyǵynda Qazaqstan qor bırjasy BAQ ókilderine arnalǵan baspasóz konferentsııasyn ótkizedi. Máslıhatta 2019 jyldyń birinshi jartysyndaǵy otandyq bırja naryǵynyń jumysy týraly statıstıkalyq aqparat usynylady.