Qazaqstanda 16 oqýshyǵa 1 kompıýterden keledi - Bilim jáne ǵylym mınıstri
ASTANA. 24 qarasha. QazAqparat /Gúlmıra Alıakparova/ - Búgin Qazaqstanda 16 oqýshyǵa 1 kompıýterden keledi. Bul týraly búgin dıplomatııalyq mıssııalar, halyqaralyq uıymdar jáne sheteldik bıznes-qurylym ókilderimen bolǵan kezdesýde Qazaqstannyń bas ustazy Baqytjan Jumaǵulov málim etti.
«Sońǵy bes jylda biz barlyq mektepti kompıýtermen qamtamasyz ettik. Eger 2001 jyly 62 oqýshyǵa bir kompıýterden (bul kórsetkish TMD elderi arasynda eń úlken boldy) kelse, búgin 16 oqýshyǵa bir kompıýterden tıip otyr. Qazirgi ýaqytta bilim berý uıymdarynyń 50 paıyzynda ınteravtıvti kabınetter men jabdyqtar bar, 98 paıyzy ınternetke, sonyń ishinde 37 paıyzy keń jolaqty ınternetke qosylǵan», - dedi B.Jumaǵulov.
Mınıstr Qazaqstandaǵy shetel ókilderine, sondaı-aq elde engizilip jatqan E-learning elektrondy bilim berý baǵdarlamasy týraly aıtyp berdi.
Bıyl E-learning júıesi ilki joba retinde 44 bilim mekemesine engizilgen. Al 2012 jyly júıege 537, 2013 jyly - 926 bilim berý uıymy qosylatyn bolady. 2015 jylǵa qaraı elektrondy bilim berý júıesin qoldanýshylar sany bilim berý uıymdarynyń 50 paıyzyn, 2020 jylǵa qaraı 90 paıyzyn quraýy tıis», - dedi vedomstvo basshysy.
