Qazaqstanda 16 naýryz kúni ótetin mańyzdy sharalarǵa sholý

ASTANA

Saǵat 9.30-de «Radisson Hotel Astana» qonaq úıinde «KazGrain 2018» Halyqaralyq konferentsııasy bastalady.

Saǵat 9.30-de «Ritz Carlton» qonaq úıinde QR Mádenıet jáne sport mınıstrliginiń jáne «Kazakh Tourism» Ulttyq kompanııasynyń» uıymdastyrýymen Qazaqstan-Ózbekstan elderiniń birlesken týrıstik forýmy bastalady. Jıynǵa QR Mádenıet jáne sport mınıstri Arystanbek Muhamedıuly, «Kazakh Tourism» Ulttyq kompanııasy» AQ basqarma tóraǵasy Rashıd Kúzembaev pen Ózbekstan Respýblıkasynyń týrızm boıynsha Memlektetik komıtettiń tóraǵasy qatysady.

Saǵat 10.00-de «Marriott Hotel» qonaq úıinde Astana haby memlekettik qyzmet salasynda «Memlekettik qyzmetshiler eńbeginiń ótem júıesi: memleket aımaqtarynyń tájirıbesi» halyqaralyq semınary ótedi.

Saǵat 10.00-de Senatta «Áleýmettik-kásipkerlik korporatsııa - aımaqtyq damýdyń ınstıtýty» taqyrybynda dóńgelek ústel ótedi.

Saǵat 10.30-de QR Memlekettik Hatshysy Gúlshara Ábdihalyqova Qazaqstan Respýblıkasyndaǵy Italııanyń Tótenshe jáne Ókiletti Elshisi S.Ravanıanmen kezdesedi.

Saǵat 11.00-de «Rixos President Astana Hotel» qonaq úıinde Sırııa máseleleri boıynsha Astana protsesine qatysýshy garant elderdiń Syrtqy ister mınıstrleriniń kezdesýi ótedi.

Saǵat 11.00-de QR Ulttyq akademııalyq kitaphanasynda QR Din isteri jáne azamattyq qoǵam mınıstri Nurlan Ermekbaevtyń qatysýymen jaýapty organdar janyndaǵy Úkimettik emes uıymdarmen qarym-qatynas boıynsha Úılestirýshi keńestiń otyrysy ótkiziledi.

Saǵat 11.00-de Joǵarǵy sotta Joǵarǵy sottyń jalpy otyrysy bastalady. Taqyryp: ««Sot sheshimi» týraly Joǵarǵy sottyń Normatıvtik qaýlysyna ózgerister men tolyqtyrýlar engizý».

Saǵat 11.00-de  Astana qalasy ákimdiginiń «Sharapat» áleýmettik qyzmet kórsetý ortalyǵy» kommýnaldyq memlekettik mekemesinde (mekenjaıy: «Kóktal-1» turǵyn alaby, Aqqorǵan kóshesi-2) Astana qalasy Qazaqstan halqy Assambleıasynyń Naýryz merekesine arnalǵan jyl saıynǵy dástúrli qaıyrymdylyq is-sharasy ótkiziledi.

Saǵat 11.20-da «Úkimet úıinde» QR Energetıka vıtse-mınıstri Maǵzum Myrzaǵalıevtiń qatysýymen baspasóz máslıhaty ótkiziledi. Onda Prezıdenttiń bes áleýmettik bastamasy aıasynda ortalyq jáne soltústik aımaqtardy gazdandyrý máselesi týraly aıtylady.

Saǵat 12.00-de «Ibis Astana» qonaq úıinde Qazaqstanda lotereılik salanyń tolyq qosylýy boıynsha aqparattardy jarııalaýǵa arnalǵan baspasóz máslıhaty ótkiziledi.

Saǵat 15.00-de Qazaqstan Respýblıkasy Prezıdenti Іs Basqarmasy Medıtsınalyq ortalyǵy «Rýhanı jańǵyrý» baǵdarlamalyq maqalasy aıasynda dástúrli «Abaı oqýlaryn» ótkizedi. 

Saǵat 16.00-de Qazmedıa ortalyǵynda «TUMAR»  ulttyq televızııalyq báıgesiniń qorytyndysyna arnalǵan shara bastalady.

Saǵat 16.30-da «ParkInn» qonaq úıinde Qazaqstan Respýblıkasyndaǵy psıhıkalyq densaýlyq saqtaý qyzmetiniń reformasy, júıke aýrýlaryna shaldyqqan adamdardyń quqyqtaryn qorǵaý, stıgmany eńserý men ınklıýzıvti qoǵam qurý máselelerindegi jergilikti qoǵamdastyqtar men memlekettik emes uıymdardyń róli jónindegi baspasóz konferentsııasy ótedi.

ALMATY

Saǵat 14.30-da Almaty qalasynyń Aımaqtyq kommýnıkatsııalar qyzmetinde Almaty qalalyq Statıstıka departamentiniń basshysy Baǵlan Qarǵulovtyń qatysýymen «Almaty qalasynyń statıstıkalyq málimetter boıynsha áleýmettik-ekonomıkalyq damý qorytyndysy» taqyrybynda baspasóz máslıhaty ótkiziledi.

Saǵat 15.00-de Almaty qalasynyń Aımaqtyq kommýnıkatsııalar qyzmetinde Almaty qalasynyń dene shynyqtyrý jáne sport basqarmasynyń basshysy Ábil Dóńbaevtyń qatysýymen «Almaty qalasynda buqaralyq sportty damytýdyń naqty 4 baǵyty» taqyrybynda baspasóz máslıhaty bastalady.

Saǵat 15.00-de Qazaqstan Respýblıkasynyń Memlekettik ortalyq mýzeıinde Abaı atyndaǵy QazUPÝ-dyń 90 jyldyǵyna oraı «Rýhanı jańǵyrýdaǵy ulttyq óner» atty shyǵarmashylyq týyndylardyń kórmesi ótedi.

Saǵat 17.00-de Á.Qasteev atyndaǵy Memlekettik óner mýzeıinde frankofondyq memleketterdiń (Frantsııa, Belgııa, Shveıtsarııa men Marokko) Tótenshe jáne Ókiletti Elshileriniń jáne mýzeı dırektory Gúlmıra Shalabaevanyń qatysýymen «Frankofon kóktemi - 2018» merekesine arnalǵan baspasóz týry ótedi.

Saǵat 19:00-de «GRAND Meloman» kitap dúkeninde qazaqstandyq jýrnalıst Gennadıı Bendıtskııdi eske alý qurmetine oraı «Bespredel. Realnaıa ıstorııa Kazahstana v nachale XXI veka» atty jýrnalısttiń kitabynyń tusaýkeseri ótedi.

 
PETROPAVL

Saǵat 09:00-de Petropavl qalasynyń qalalyq keńesiniń otyrysy bastalady. Onda bas bostandyǵynan aıyrý mekemesinen kelgen adamdardy jumyspen qamtý máselesi talqylanady.

Saǵat 10:00-de Soltústik Qazaqstan oblysynyń ákimi Qumar Aqsaqalov oblys ákimdiginde «Nazarbaev zııatkerlik mektebi» basqarma tóraıymy Kúlásh Shámshıdınovamen kezdesedi.

Saǵat 12:00-de oblystyq tarıhı-aımaqtyq mýzeıde «Muralardy saqtaý» kórmesi ashylady.

QOSTANAI

16 naýryz kúnioblys ákimi A.Muhambetov Rýdnyı qalasyna barady.

OQO

Saǵat 15:00-de Ońtústik Qazaqstan oblystyq sotynyń baspasóz ortalyǵynda (4-qabat, 400-kab.) oblystyq sottyń BAQ-pen ózara is-qımyl jónindegi quram jetekshisi T.Smaılova, úılestirýshi-sýdıalary B.Baıdýllaev jáne V.Mıroshnıkov keıbir rezononsty ister boıynsha brıfıng ótkizedi.

MAŃǴYSTAÝ

Saǵat 15:00-de QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentinde sybaılas jemqorlyqqa qarsy máseleler boıynsha azamattyq bastamashyldyq kongresi ótedi.

ShQO

Saǵat 15:00-de A.S. Pýshkın atyndaǵy oblystyq kitaphanada «Rýhanı jańǵyrý: «Abaı» jýrnalna - 100 jyl» taqyrybynda jıyn ótedi.

Saǵat 16:00-de S.Amanjolov atyndaǵy ShQMÝ rektory M.A.Tólegen ýnıversıtettiń akt zalynda stýdenttermen kezdesedi.