Qazaqstanda 16,5 myńnan astam medıtsınalyq mamanǵa ústemeaqy tólendi
NUR-SULTAN. QazAqparat - Qazaqstanda 16 myńnan astam medıtsınalyq mamanǵa 3,2 mlrd teńge ústemeaqy tólendi, dep habarlaıdy QazAqparat tilshisi.
Bul týraly QR Densaýlyq saqtaý vıtse-mınıstri Lázzat Aqtaeva Ortalyq kommýnıkatsııalar qyzmetinde ótken brıfıngide aıtyp berdi.
«Qazaqstannyń 17 óńirinde medıtsınalyq uıym qyzmetkerlerine ústemeaqy tolyq kólemde tólengen. 16 500 qyzmetkerge jalpy 3,2 mlrd teńge tólendi. Odan bólek, ár óńirde provızorlyq statsıonar ornalasqan. Osylaısha, ınfektsııa juqqan nemese belgileri baıqalǵan naýqastarǵa kópbeıindi statsıonar jaǵdaıynda medıtsınalyq kómek kórsetiledi», - dep atap ótti vıtse-mınıstr.
Onyń aıtýynsha, medıtsınalyq qyzmetkerlerge qorǵanys quraldarynda júrý mindettelgen.
«Sonymen birge, 1406 baılanys ortalyǵy áli de jumys istep tur. Munda Áleýmettik medıtsınalyq saqtandyrý qorynyń 180 operatory jumys isteıdi. Osy aıda ortalyqqa 2310 adam habarlasty. Barlyq suraqtar boıynsha osy nómirge habarlasý qajet», - dedi L. Aqtaeva.
