Qazaqstanda 150 myńǵa jýyq medbıke jumys isteıdi - mınıstrlik
ASTANA. 8 mamyr. QazAqparat - Búgingi tańda Qazaqstanda memlekettik jáne jekemenshik sektordy qosa alǵanda 150 myńǵa tarta medbıke qyzmet etedi.
Bul týraly QR Densaýlyq saqtaý mınıstrliginiń baspasóz qyzmeti habarlady.
Jyl saıyn 12 mamyrda álemniń kóptegen elderinde Halyqaralyq medbıkeler kúni atap ótiledi. Medbıkeler dúnıejúzinde eń syıly kásipterdiń biri sanalady. Olar dárigerlerge kómektesip qana qoımaı, naýqastardy emdeýge, ońaltýǵa jáne aýrýlardyń aldyn alýǵa belsendi aralasyp, dertterinen aıyǵyp ketýi úshin barynsha qamqorlyq jasaıdy.
Bir jylda respýblıka boıynsha orta eseppen 2,6 mln. adam statsıonarlyq em alady, 137 mıllıony ambýlatorlyq-emhanalyq qabyldaýda bolady, jedel járdem qyzmetine 6 mıllıonnan astam shaqyrtý túsedi. Bul sandardan medbıkelerdiń qyzmeti qanshalyqty aýyr, jaýapty jáne izgilikti ekendigin baǵamdaı berýge bolady.
