Qazaqstanda 15 naýryz kúni ótetin mańyzdy sharalarǵa sholý

ASTANA

Saǵat 09:30 «Aqbulaq» qonaq úıinde «Qansonar» ańshylardyń qoǵamdyq birlestigi men ańshylyq-sharýashylyq sýbektileri respýblıkalyq qaýymdastyǵynyń keńeıtilgen jıyny bastalady.

Saǵat 10:00-da Grand Park Esil  qonaq úıinde Ortalyq saılaý komıssııasy Qazaqstandaǵy EQYU keńsesimen birlese dóńgelek ústel ótkizedi. Shara barysynda múmkindigi shekteýli jandardyń saılaý quqyqtaryn júzege asyrý máseleleri qaralmaq.

Sonymen qatar osy ýaqytta Ózbekstan delegatsııasy Ulttyq onkologııa jáne transplantologııa ǵylymı ortalyǵyna baryp, osy saladaǵy Qazaqstannyń tájirıbesimen tanysady.

Saǵat 10:00-da QR Kásipodaqtar federatsııasynda «Eńbek naryǵy: álemdik úrdis, problemalar men perspektıvalar» atty ǵylymı-tájirıbelik konferentsııa uyıymdastyrylady. Osy oraıda «Prezıdenttiń bes áleýmettik bastamalary» aıasynda qamtylǵan negizgi basymdyqtar túsindirilmek.

Saǵat 11:00-de kezinde Senatta respýblıkalyq bıýdjettiń jobasy boıynsha Esep komıtetiniń aldyn ala esebine arnalǵan dóńgelek ústel otyrysy ótedi.

Saǵat 11:00-de Nazarbaev Ýnıversıtette «Kóshbasshy bol!» jobasy aıasynda respýblıkalyq «Jańǵyrý joly» jastar qozǵalysynyń quryltaı konferentsııasy ótedi.

Saǵat 12:00-de Úkimet úıinde QR Bilim jáne ǵylym vıtse-mınıstri Bıbigúl Asylovanyń qatysýymen baspasóz máslıhaty uıymdastyrylady.

Saǵat 15:00-de Aqordada Ortalyq Azııa memleket basshylarynyń kezdesýi ótedi.

Saǵat 18:00-de «Astana Opera» memlekettik opera jáne balet teatrynda Qazaqstanda Ózbekstan jylynyń ashylýyna arnalǵan kontsert bolady.

ALMATY

Saǵat 10:00-da «1S»   VII forýmy uıymdastyrylady. Shara barysynda salyq zańnamasyndaǵy túzetýler men jańashyldyqtar talqylanady. Forým alańy elimizdegi býhgalterlik jáne salyqtyq esep mamandaryn, qarjy dırektorlaryn jáne aýdıtorlardy qamtymaq.

Saǵat 10:00-da Memlekettik qýyrshaq teatrynda «Qýyrshaqtar shaqyrady-2018» festıvaline arnalǵan baspasóz máslıhaty bolady.

Saǵat 11:00-de QR Ulttyq kitaphanasynda rejısser, Qazaqstannyń halyq ártisi Raıymbek Seıtmetovtyń 80 jyldyǵyna oraı eske alý keshi ótedi.

SOLTÚSTІK QAZAQSTAN OBLYSY

Saǵat 11:00-de. Óńirlik kommýnıkatsııalar qyzmetinde brıfıng ótedi. Oǵan SQO Qoǵamdyq densaýlyqty saqtaý departamentiniń  basshysy Serikbaı Qasmaqasov qatysady dep kútilýde. Shara barysynda ol sapasyz azyq-túliktiń anyqtalýy jaǵdaıy boıynsha málimet beredi. 

OŃTÚSTІK QAZAQSTAN OBLYSY

Saǵat 14:00-de.  Shymkent stansasynyń temirjol vokzalynda órt-taktıkalyq oqý-jattyǵýy ótkiziledi.  Bul jattyǵýdyń taqyryby adamdar kóptep jınalatyn oryndarda adamdardy qutqarý jáne qaýipsiz aımaqqa shyǵarý daǵdylaryn mashyqtaýǵa arnalǵan.

AQTÓBE OBLYSY

 Saǵat 11:00-de Aqtóbe oblysynyń Óńirlik kommýnıkatsııalar qyzmeti alańynda «Aqtóbege jaqyn mańaıdaǵy aýdannyń keleshegi: Alǵa aýdanynyń damýynyń jańa múmkindikteri» taqyrybynda baspasóz-konferentsııasy ótedi.

ShYǴYS QAZAQSTAN OBLYSY

Saǵat 11:30-da ShQO Qoǵamdyq keńesinde birqatar máseleler boıynsha qoǵamdyq tyńdaýlar uıymdastyrylady.