Qazaqstanda 15 myńnan astam órt gıdranty jaramsyz kúıde

NUR-SULTAN. QazAqparat – Búgin Úkimet otyrysynda QR Tótenshe jaǵdaılar mınıstri ıÝrıı Ilın órtke qarsy sýmen jabdyqtaýdyń qanaǵattanarlyqsyz jaǵdaıy týraly aıtty, dep habarlaıdy QazAqparat tilshisi.

«Órtti sóndirýdiń sáttiligi sý kózderiniń bolýyna baılanysty. Respýblıka boıynsha 15 myńnan astam órt gıdranty jaramsyz kúıde tur. Bıyl ákimdikter eki myńnan astamyna (2 689) jóndeý jumystaryn júrgizdi. Alaıda jyl saıyn sýmen jabdyqtaý júıeleriniń tozýyna baılanysty shamamen bir myńy esepten shyǵarylady», - dep túsindirdi mınıstr.

Osyǵan baılanysty ol óńirlerdiń ákimderi jabdyqtardy jumys jaǵdaıyna keltirý boıynsha tıisti jumys júrgizýi qajettigin atap ótti.

«Qurylys barysynda nysandar arasyndaǵy belgilengen alshaqtyqtar saqtalmaıdy, órt tehnıkasynyń ótýi úshin kireberister eskerilmeıdi. Bul jaǵda úlken alańdarda órttiń paıda bolý qaýip-qaterine ákep soǵady», - dedi ıÝ. Ilın.

Búdan buryn habarlanǵandaı, elimizde 10 myńnan astam úıde órt qaýipsizdigi qaǵıdasy oryndalmaǵan.