Qazaqstanda 15 myńǵa jýyq onkologııalyq naýqas sáýlelik em qabyldap jatyr
ASTANA. KAZINFORM – Qazaqstannyń barlyq óńirinde 15 myńǵa jýyq onkologııalyq naýqas sáýlelik terapııadan ótip jatyr. Olardyń ishinde 200-den astamy – balalar, dep habarlaıdy Densaýlyq saqtaý mınıstrligi.
Vedomstvo málimetinshe, elimizde onkologııalyq aýrýlardy emdeýge arnalǵan zamanaýı tehnologııalardyń qoljetimdiligi artyp keledi.
– Biz sáýlelik emdeý tehnıkalyq jaraqtandyrýdyń jetkiliksizdigine baılanysty keıbir óńirlerde qoljetimsiz bolǵan kezeńnen óttik. Búginde elimizdiń barlyq óńirinde derlik zamanaýı syzyqtyq údetkishter ornatylǵan, – delingen habarlamada.
Qazirgi ýaqytta Qaraǵandy men Semeı qalalarynda eki-ekiden qýatty apparat jumys isteıdi. Astanadaǵy Ulttyq ǵylymı onkologııa ortalyǵynda tórt apparat, al qalalyq onkologııa ortalyǵynda taǵy eki apparat ornatylǵan.
Sońǵy eki jylda Qazaqstanda sáýlelik terapııamen qamtylǵan onkologııalyq patsıentterdiń úlesi 60%-ǵa jýyqtady. Bul kórsetkish damyǵan Eýropa elderiniń deńgeıine jaqyndaǵan.
– Onkologııalyq aýrýlardy emdeýdiń zamanaýı ádisterine arnalǵan podkasttar toptamasy jalǵasýda. Búgingi spıker – Qazaq onkologııa jáne radıologııa ǵylymı-zertteý ınstıtýty Radıologııa ortalyǵynyń meńgerýshisi, medıtsına ǵylymdarynyń doktory, professor, 37 jyldyq eńbek ótili bar radıatsııalyq onkolog dáriger Vıktor Kım, – dep atap ótti mınıstrlikten.
Aıta keteıik, Qazaqstanda onkologııalyq dıagnostıka múmkindigi artady.
