Qazaqstanda 15 maýsymda ótetin mańyzdy sharalarǵa sholý

NUR-SULTAN

Saǵat 09.30-da Máńgilik el kóshesindegi 33 ǵımaratta «Zaman talaptaryna saı mektepke deıinshi bilim berýdi damytý» respýblıkalyq semınar ótkiziledi. Qazaqstannyń mektepte deıingi bilim berý salasyndaǵy ǵalymdar, jetekshi sarapshylar ártúrli jastaǵy balalardy oqytýdyń ınnovatsııalyq ádisin talqylaıdy.

AQTÓBE
15 maýsymda «Rýhanı jańǵyrý» baǵdarlamasy jáne «Uly dalanyń jeti qyry» maqalasyn júzege asyrý maqsatynda Aqtóbe qalasynda dańqty qolbasshy, aıbyndy saıasatker Bókenbaı Qarabatyrulyna arnalǵan birqatar is-sharalar uıymdastyrylady.
Saǵat 10.00-de Aqtóbe qalasynyń Shyǵarmashylyq akademııasynda Bókenbaı batyrǵa arnalǵan saltanatty jınalys ótkiziledi.
Saǵat 11.30-da Bókenbaı batyr eskertkishiniń saltanatty ashylý rásimi ótedi (Bókenbaı batyr kóshesi boıynda, Áýejaı aýmaǵynda ornalasqan).

Saǵat 10.00-11.30 aralyǵynda Aqtóbe qalasyndaǵy QR Tuńǵysh Prezıdenti atyndaǵy saıabaqta «Jas túlek - 2019» mektep bitirýshilerdi marapattaý rásimi ótedi. Bıyl oblys boıynsha 6 337 túlek mektepti bitirdi. Onyń 505-i «Altyn belgi» ıegeri, ulttyq biryńǵaı testileýge qatysýǵa 5 189 túlek nıet bildirdi.