Qazaqstanda 1400 dýadaq tabıǵat aıasyna jiberiledi
Munymen 120 qusqa qımyl-qozǵalystaryn baqylaý úshin arnaıy spýtnıktik qurylǵylardy bekitý josparlanýda, dep habarlaıdy QR AShM baspasóz qyzmeti.
Jorǵa dýadaqtary Betpaqdala men Qyzylqum aımaqtarynan ushyrylmaq. Atalmysh qustyń kóbirek qonys aýdaratyn jeri - Qazaqstan aýmaǵy.
Burynyraq, 2009-2015 jyldar aralyǵynda elimizde 5 300-den asa jorǵa dýadaqtary ushyryldy. Ǵalymdar ornatylǵan spýtnıktik qurylǵylar arqyly jiberilgen qustardyń qımyl-qozǵalystaryn baqylaı aldy. Sondaı-aq, ushyrylǵan jorǵa dýadaqtary Qazaqstannyń tabıǵı ortasyna beıimdelip, qystaý kezeńinde ózderine týystas jabaıy qustardyń dástúrli baǵyttarymen ushqanyn atap ótken jón.
Jorǵa dýadaqtardyń ósimin molaıtý jáne saqtaý boıynsha Qazaqstan men jorǵa dýadaqtaryn qorǵaý halyqaralyq qory arasyndaǵy kelisimshartqa saı Ońtústik Qazaqstan oblysynyń Báıdibek aýdanynda jylyna 5 000 jorǵa dýadaqtaryn shyǵaratyn Ortalyqtyń qurylysy jalǵasýda.
Ǵalymdardyń aıtýynsha, Qazaqstannyń tabıǵatyna jorǵa dýadaqtaryn shyǵarý, olardyń qımyl-qozǵalystaryn baqylaý, Taıaý jáne Orta Shyǵys elderine qystaýǵa kóship-qoný merzimderi men negizgi joldaryn anyqtaý úshin qajet.