Qazaqstanda 140 ult pen 46 dinı qaýymdastyq kelisim men dostyqta ómir súrip jatyr - N.Nazarbaev

STANA. Tamyzdyń 27-si. QazAqparat - Qazaqstanda 140 ult pen 46 dinı qaýymdastyq kelisim men dostyqta ómir súrip jatyr. Bul týraly juma kúni Qazaqstan Respýblıkasy Konstıtýtsııasynyń 15 jyldyǵyna arnalǵan «Konstıtýtsııa - memlekettiń demokratııalyq damýynyń negizi» atty halyqaralyq ǵylymı-tájirıbelik konferentsııanyń ashylýynda sóz alǵan Memleket basshysy Nursultan Nazarbaev málim etti.

«Negizgi Zańda barlyq qazaqstandyqtarǵa jaqyn ortaq qundylyqtar men túsinikter naqty zańdyq turǵyda kórinis tapqan. Bul - 140 etnos pen 46 dinı qaýymdastyqtyń kelisim men dostyqta ómir súrip jatqan, qazaq jeriniń birtutastyǵy, qasıettiligi jáne qol suǵylmaýshylyǵy. Bul - azamattardy jynysyna, ultyna, násiline, tiline, dinine jáne ózge de belgileri boıynsha kemsitýshilikke qatań tyıym salý. Osynyń negizinde konstıtýtsııalyq qaǵıdattardyń basty negizi - beıbitshilik pen turaqtylyq, barlyq halyqtyń ıgiligi úshin ekonomıkalyq damý qamtamasyz etiledi», - dedi Nursultan Nazarbaev.

Prezıdent beıbitshilik pen turaqtylyq, búkil halyqtyń ıgiligi úshin ekonomıkalyq damý sııaqty eń basty konstıtýtsııalyq maqsattar osy negizde qamtamasyz etiletindigin atap ótti.