Qazaqstanda 140-tan astam memlekettik qyzmet avtomattandyrylady
Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaıymova aıtty.
«Memlekettik qyzmetterdi avtomattandyrýmen qatar olardy kórsetý merzimin de qysqartý kózdelip otyr. Máselen, arhıvtik anyqtamalar berý qyzmetinde anyqtama 11 jumys kúninen keıin beriledi. Bul merzimdi 60 mınýtqa qysqartýǵa bolady. Bul - halyq suranysyna ıe memlekettik qyzmetterdiń biri. Nemese zańdy tulǵalardy memlekettik qaıta tirkeý qyzmetin kórsetýdi de 1 jumys kúninen 1 saǵatqa qysqartýǵa bolady», - dedi Aıgúl Shaıymova.
Onyń aıtýynsha, memlekettik fýnktsııalardy básekelik ortaǵa berý máselesi de ózekti bolyp otyr.
«Bıznesti damytýǵa jaǵdaı jasaý maqsatynda avtokólikke tehnıkalyq tekserý júrgizý básekelik ortaǵa berildi. Osy sheshim arqyly tehnıkalyq tekserý qyzmeti halyqqa yńǵaıly ári qoljetimdi bola tústi. Sonymen birge, kvazımemlekettik sektor sýbektilerin ákimshilik kútý shyǵyndary da qaıta qaralady», - dedi ol.
Ekinshiden, áleýmettik kásiporyn bolyp sanalmaıtyn jańa kásiporyndardy ashýǵa moratorıı jarııalanady jáne artyq vedomstvolyq baǵynyshty uıymdar taratylady. Bul rásimniń áleýmettik salaǵa - mektepter men aýrýhanalarǵa qatysy joq.
Aıta keteıik, yqsham memlekettik apparat qurý aıasynda aldaǵy jarty jylda memlekettik organdarda shtattyq kólemdi ońtaılandyrý jumystary júrgiziledi. Birinshi kezekte basqarý bólimderi ońtaılandyrylady.
