Qazaqstanda 14 tamyzda ótetin mańyzdy sharalarǵa sholý

NUR-SULTAN

Saǵat 10.00-de Nazarbaev Ýnıversıtetinde ótetin Garvard jobasynyń Azııalyq konferentsııasyna (Harvard College Project for Asian and International Relations Asia Conference 2019) daıyndalý barysy týraly baspasóz konferentsııasy ótedi.

Saǵat 10.00-de Nur-Sultan qalasy ákimdiginiń «Astana vetservıs» ShJQ KMK-da qylmystyq quqyq buzýshylyqtyń aldyn alý jáne sybaılas jemqorlyqqa qarsy is-qımyl sharalary talqylanady.

Saǵat 10.30-17.00 aralyǵynda Rixos President Astana Hotel Qazaqstan Respýblıkasy Bilim jáne ǵylym mınıstrliginiń qoldaýymen «JOB FAIR-2019» bos oryndar jármeńkesi ótedi.

Saǵat 11.00-de «Zúbárjat oramy» «B» blogy «Atameken» baspasóz ortalyǵynda «Atameken» Ulttyq kásipkerler palatasynyń bastamasymen «Qamqor Menedjment» kompanııalar toby jáne «Jasyl ekonomıka úshin» jáne G-Global-dy damytý koalıtsııasy birlesip, «QAMQOR GREEN» – Qazaqstannyń temirjol salasyn ekologııalyq qaıta jańartý» baǵdarlamasyn iske qosý týraly baspasóz konferentsııasyn ótkizedi.

Saǵat 14.30-da «EKSPO» kongress ortalyqta salyq tóleýshiler, syrtqy ekonomıkalyq qyzmetke qatysýshylar men BAQ ókilderi úshin konferentsııa ótkiziledi. Konferentsııa taqyryby: «Qazaqstan Respýblıkasyndaǵy salyqtyq jáne kedendik ákimshilendirý».

Saǵat 15.00-de Úkimet úıinde Qarjy vıtse-mınıstri Rýslan Beketaevtyń qatysýymen «Memlekettik satyp alýdy ótkizý jáne kvazıgossektordy satyp alý rásimin jetildirý sharalary týraly» taqyrybynda baspasóz máslıhaty ótedi.

Saǵat 15.30-da elorda ákimdiginde «Qarapaıym zattar ekonomıkasy» atty jeńildetilgen baǵdarlamasyn talqylaýǵa arnalǵan brıfıng ótedi.