Qazaqstanda 14 naýryz kúni ótetin mańyzdy sharalarǵa sholý

ASTANA.

Saǵat 10.00-de QR Parlament Májilisiniń jalpy otyrysy bastalady.

Saǵat 10:00-de QR Eńbek jáne halyqty áleýmettik qorǵaý mınıstrliginde «Áleýmettik salany tsıfrlandyrý» taqyrybynda baspasóz máslıhaty ótedi. Jıynǵa QR Eńbek jáne halyqty áleýmettik qorǵaý vıtse-mınıstri S.Q.Jaqypova qatysady.

Dál osy ýaqytta «Radisson» qonaq úıinde QR Ulttyq ekonomıka mınıstrligi Búkilálemdik bank toptarymen birge ««Doing Business» sýbulttyq reıtıngi Qazaqstanda» atty jobanyń tusaýkeseri ótedi.

Saǵat 10.30-da «Astana» HQO Basqarýshysy Q. Kelimbetov pen Búkilálemdik ıslam ekonomıkalyq forýmynyń Tóraǵasy Týn Mýsa Hıtam arasynda Memorandýmǵa qol qoıý rásimi ótedi.

Saǵat 10.45 ýaqytynda Saǵat 10.00-de «Redısson» qonaq úıinde Qazaqstan Respýblıkasy men Ózbekstan Respýblıkasynyń arasyndaǵy  ekijaqty yntymaqtastyq jónindegi Birlesken úkimetaralyq komıssııanyń 17-otyrysy eki eldiń Premer-mınıstrleriniń birinshi orynbasarlarynyń deńgeıinde ótkiziledi.  

Saǵat 11:00-de «Qazaqstan» Ortalyq kontsert zalynda Astana qalasynyń 20-jyldyǵyna arnalǵan is-shara josparyn tanystyrý jáne Naýryz merekesi qarsańynda «Qazaqkontsert» memlekettik kontserttik uıymy jáne Buqaralyq aqparat quraldary ókilderi arasyndaǵy ózara yntymaqtastyqty nyǵaıtý maqsatynda  baspasóz týry ótkiziledi.

Saǵat 11:30-da Astana qalasynyń ákimi Áset Isekeshev pen  QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń tóraǵasy Alık Shpekbaevtyń qatysýymen «Astana - adaldyq alańy» jobasynyń atqarǵan jumystaryna alǵashqy qorytyndy jasaý josparlanýda.

Saǵat 13:00 ýaqytynda «Rixos» qonaq úıinde Tájikstan Respýblıkasynyń Prezıdenti Emomalı Rahmonnyń Qazaqstan Respýblıkasyna resmı sapary aıasynda QR Din isteri jáne azamattyq qoǵam mınıstrligi men TR Úkimetiniń janyndaǵy Din isteri, ulttyq merekeler men salt- dástúrlerin retteý komıteti arasynda memorandýmǵa qol qoıý sharasyn ótkizý josparlanǵan.

Saǵat 14:00-de Qazaqstan Respýblıkasynyń Qarjy mınıstrligi men Tájikstan Respýblıkasynyń Úkimeti janyndaǵy memlekettik tapsyrys, taýar, jumys jáne qyzmet Agenttigi ózara túsinistik pen seriktestik jóninde memorandýmǵa qol qoıady.

Saǵat 15:00-de «Aqorda» rezıdentsııasynda Tájikstan Respýblıkasynyń Prezıdenti E.Sh.Rahmon resmı sapary bolady dep kútilýde.

Saǵat 15:00-de Astana qalasy boıynsha memlekettik kirister departamentinde atalǵan vedomstvonyń 2017 jylǵy jumys qorytyndysy boıynsha brıfıng ótedi.

Saǵat 15:00-de QazMZÝ-da «Meniń bolashaǵym tsıfrly Qazaqstanda» atty sessııa bastalady.

ALMATY

Saǵat 10:00-de Qazaq memlekettik qyzdar pedagogıkalyq ýnıversıteti men «Azamat áleýeti» qaıyrymdylyq qory, Almaty tehnologııa jáne florıstıka kolledji birlesip, balalardyń, jasóspirimderdiń jáne múgedek jastardyń shyǵarmashylyq áleýetin arttyrý maqsatynda Naýryz merekesine oraı ınklıýzıvti etnografııalyq kontsert-kórmesin ótkizedi.

Saǵat 10:00-de Startup Kazakhstan halyqaralyq akseleratsııasyna qatysýshylardyń ekinshi tolqynynyń tusaýkeseri ótedi.

Saǵat 11:00-de Almaty qalasynyń Aımaqtyq kommýnıkatsııalar qyzmetinde «Memlekettik qyzmetterdi quqyqtyq turǵyda kórsetý» taqyrybynda baspasóz máslıhaty ótedi.

Saǵat 12:00-de Qazaqstan Baspasóz klýbynda Búkilálemdik tutynýshylar kúnine oraı baspasóz máslıhaty ótkiziledi.

Saǵat 17:00-de «Kinopark» (Esentai Mall) kınoteatrynda «Altynshy beket» kórkem fılminiń jabyq kórsetilimi ótedi.

ShYMKENT

Saǵat 12.00-de Shymkent qalasyndaǵy Nazarbaev Zııatkerlik Mektebi bazasynda «Durys mamandyq - jarqyn bolashaq» atty jastar forýmy ótedi.

Saǵat 15.30-da Shymkent qalasyndaǵy «Hımııa-bıologııa baǵytyndaǵy Nazarbaev Zııatkerlik mektebi» fılıalynda «Qazaqstandaǵy 100 jańa esim» ıdeıasy aıasynda Ońtústik Qazaqstan oblysy Tótenshe jaǵdaılar departamentiniń   úzdik qyzmet atqaryp júrgen qyzmetkerlerdiń qatysýymen semınar-sabaq ótkiziledi.

QOSTANAI

Saǵat 15:00-de oblys ákimi Arhımed Muhambetov óńirdiń eksportyn damytý máseleleri boıynsha oblystyq basqarmalar men departamentter basshylarymen keńes ótkizedi. Jıyn E.Ómirzaqov atyndaǵy oblystyq fılarmonııada bolady.

Saǵat 18:00-de «Tobyl» fýtbol klýbynyń ujymy jankúıerlermen kezdesedi. Jıynda komandanyń jańa bapkerleri men oıynshylary tanystyrylady. Kezdesý «Áýejaı» shaǵyn aýdanyndaǵy «Qostanaı» sport kesheninde ótedi.

ATYRAÝ

Atyraý qalasynda Memleket basshysynyń «Rýhanı jańǵyrý» baǵdarlamasy aıasynda ulttyq dástúrdi jandandyrý arqyly qoǵamdyq sanany jańǵyrtý maqsatynda «Uly dalanyń ulttyq dástúrleri» halyqaralyq forýmy bastaldy. Forým aıasynda 14 naýryz kúni Marhaba Sábı, Alı Oqapov, Arslanbek Sultanbek, Roza Amanova (Qyrǵyzstan), Irfan Gıýrdal (Túrkııa)  jáne taǵy basqa juldyzdy oryndaýshylardyń qatysýymen Kórisý rásimin salt-dástúr retinde  dáripteıtin teatrlandyrylǵan «Jańa jasyńmen, Uly dalam» festıvali, Etno-qolónershi Yrza Tursynzadanyń sheberlik saǵattary, «Qyrdaǵy el oıdaǵy elmen aralasyp, Kúlimdesip, kórisip, qushaqtasyp...» atty respýblıkalyq aqyndar aıtysy ótedi. Shara 15 naýryzda jalǵasady.

ORAL

Oral qalasyndaǵy Batys Qazaqstan ınnovatsııalyq-tehnologııalyq ýnıversıtette «Adam kapıtaly - modernızatsııa negizi» taqyrybynda jas ǵalymdardyń halyqaralyq konferentsııasy 13 naýryzda bastaldy. Konferentsııa jumysy 14 jáne 15 naýryz kúnderi jalǵasady.

AQTAÝ

«Qazaqstannyń kıeli jerleriniń geografııasy» arnaıy jobasy aıasynda jalpyulttyq qasıetti nysandar tizimine engen 15 tarıhı-mádenı eskertkish pen óńirlik qasıetti nysandar tizimine engen Mańǵystaý óńiriniń 28 tarıhı-mádenı eskertkishi qamtylatyn «Otpan taý - rýhanı dástúrdiń negizi» taqyrybyndaǵy Respýblıkalyq dóńgelek ústel ótedi. Shara barysynda «Qazaqstannyń kıeli jerleriniń geografııasy» arnaıy jobasy aıasyndaǵy óńirdiń aldaǵy ýaqyttaǵy jumys jospary tanystyrylady.

KÓKShETAÝ

Saǵat 15:00-de Kókshetaý qalasyndaǵy Aqmola oblysy ákiminiń apparaty janyndaǵy «Qoǵamdyq kelisim» KMM-de «Almaty Music» teatry rejısseriniń stsenarıi boıynsha «Jazyǵym ne meniń, mama?» atty dramalyq qoıylymnyń tegin kórsetilimin ótedi.