Qazaqstanda 14 mıllıon tonnaǵa jýyq astyq jınaldy
ASTANA. QazAqparat - 24 qyrkúıektegi jaǵdaı boıynsha, Qazaqstanda 13 950,3 myń tonna astyq bastyryldy, dep habarlaıdy QazAqparat tilshisi.
QR Aýyl sharýashylyǵy mınıstrliginiń málimetinshe, eseptik kezeńde aýylsharýashylyq ónimin óndirýshiler 10 838,2 myń gektary nemese óńirlerdiń jalpy astyq alqaptarynyń 72,1% jınap úlgerdi. Ortasha ónimdilik bir gektardan 12,9 tsentnerdi qurady.
2017 jylǵy uqsas merzimde oblystardyń jalpy astyq alqaptarynyń 14 466,3 myń gektary nemese 94,4% jınalyp, 19 357,1 myń tonna astyq bastyrylǵan bolatyn. Ortasha ónimdilik bir gektardan 13,4 tsentnerdi qurady.
2018 jyly eldegi egin alqaptarynyń jalpy kólemi 15 027,9 myń gektardy qurady. 2017 jyly onyń kólemi 15 318,6 myń gektar boldy. Sondaı-aq bıylǵy egis naýqany kezinde 15 122,6 myń gektarǵa, ótken jyly 15 411,6 myń gektarǵa astyq egildi.
