Qazaqstanda 14,4 myńnan astam shetel azamaty jumys isteıdi
Eńbek jáne halyqty áleýmettik qorǵaý mınıstrliginiń málimetinshe, shetel jumys kúshin (ShJK) tartýǵa ruqsattardyń arasynda mynadaı sanattar bar: basshylar men olardyń orynbasarlary úshin 584 ruqsat (birinshi sanat), qurylymdyq bólimshelerdiń basshylary úshin 3 028 ruqsat (ekinshi sanat). Tartylǵan ShJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 7 186 jáne 881 adam. Sondaı-aq maýsymdyq jumystarǵa 1 302 adam, al korporatıvtik aýystyrý aıasynda 1 437 adam tartyldy.
«Qazirgi ýaqytta Qazaqstanda ShJK paıdalanatyn 1 693 jumys berýshi bar. Olarda 407,9 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96% - y.
Ekonomıkalyq qyzmet túrleri boıynsha eń kóp jumys isteıtinder qurylys salasynda – 5 262 adam (37,3%); taý – ken ónerkásibi jáne karerlerdi qazý – 1 441 adam (10%); aýyl, orman jáne balyq sharýashylyǵy – 1 143 adam (8%); kásibı, ǵylymı jáne tehnıkalyq qyzmet – 979 adam (7% ); óńdeý ónerkásibi – 883 adam (7%)», - dep jazdy vedomstvodan.
Eńbek mıgranttary keletin negizgi elder: Qytaı – 3 493 adam (25%), Túrkııa – 1 523 adam (11%), Úndistan – 1 722 adam (12%), Ózbekstan – 1461 adam (9,3%).
Іshki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıdi jáne bóledi. 2023 jyly jalpy kvota respýblıkadaǵy jumys kúshiniń sanyna qatysty 0,24% nemese 22 260 birlik mólsherinde belgilendi.