Qazaqstanda 13,8 mln tonna mal azyǵy daıyndaldy

ASTANA. KAZINFORM - 2025 jylǵy 25 shildedegi jaǵdaı boıynsha aýyl sharýashylyǵy janýarlaryn 2025-2026 jylǵy qysta qorada ustaý kezeńine daıyndaý maqsatynda 13,8 mln tonna shóp daıyndaldy.

Aýyl sharýashylyǵy mınıstrligi málimetinshe, bul josparlanǵan kólemniń 53,8%-y. Sonymen qatar 1 mln tonnadan astam súrlem daıyndalyp, bul jospardyń 59,9%-yna jetti.

Respýblıkalyq josparǵa sáıkes, aldaǵy qysqy-qora maýsymyna 24,5 mln tonna shóp, 1,7 mln tonna súrlem, 4,6 mln tonna saban, 5,5 mln tonna qurama jem jáne 2 mln tonna sılos daıyndaý qajet.

2025 jyly mal azyǵyna arnalǵan daqyldar egilgen alqaptyń jalpy kólemi 3,3 mln gektar boldy. Bul ótken jyldyń sáıkes kezeńimen salystyrǵanda 127,9 myń gektarǵa artyq.

Qazirgi daıyndyq qarqyny aýyl sharýashylyǵy janýarlaryn tolyqqandy azyqtandyrýǵa, mal sharýashylyǵy ónimine belgilengen josparly kórsetkishterdi oryndaýǵa jáne qysta mal basyn saqtap qalýǵa múmkindik beredi.

Aıta keteıik, Jambyl oblysynda jylyna 120 myń tonna ónim óndiretin mal azyǵy uny zaýyty iske qosylady.