Qazaqstanda 13 tamyzda ótetin mańyzdy sharalarǵa sholý

NUR-SULTAN

Saǵat 09.00-de Úkimet úıinde Úkimet otyrysy bastalady. Kún tártibinde 2019 jyldyń qańtar-shilde aılary aralyǵyndaǵy Qazaqstan Respýblıkasynyń áleýmettik-ekonomıkalyq damý jáne respýblıkalyq bıýdjetiniń oryndalýy, jańa 2019-2020 oqý jylynyń bastalýyna daıyndyq barysy týraly aıtylady.

Saǵat 10.00-de AHQO Bıýrosynda Qazaqstan Respýblıkasy Qarjy mınıstrligi «Astana» Halyqaralyq qarjy ortalyǵynyń Bıýrosymen jáne QR Іshki aýdıtorlar ınstıtýtymen birlesip halyqaralyq sarapshy Anjela Vıtsanıdiń qatysýymen Іshki adıtorlardyń ulttyq konferentsııasyn ótkizedi.

Saǵat 11.00-de «Parasat» BO-da Qazaqstannyń Sút odaǵy qaıta óńdeý kásiporyndaryna túsetin shıki súttiń Keden odaǵynyń tehnıkalyq reglamentteriniń talaptaryna sáıkestigin qamtamasyz etý boıynsha Jol kartasyna qol qoıý týraly baspasóz konferentsııasyn ótkizedi.

Saǵat 16.20 Ortalyq kommýnıkatsııalar qyzmetiniń baspasóz ortalyǵynda «QR QM Memlekettik kirister komıtetiniń 2019 jyldyń І jarty jyldyǵyndaǵy jumystyń qorytyndysy» taqyrybynda baspasóz konferentsııasy ótkiziledi.

Saǵat 17.00-de QR Mádenıet jáne sport mınıstrliginde «Kazakh Tourism» UK» AQ jáne «Sharyn memlekettik ulttyq tabıǵı parki» RMM, «Іle-Alataý memlekettik ulttyq tabıǵı parki» RMM, «Kólsaı kólderi» memlekettik ulttyq tabıǵı parki» RMM arasynda ekologııalyq týrızmdi damytýǵa baǵyttalǵan birqatar kelisimderge qol qoıý rásimi ótedi.

ALMATY

Saǵat 11.00-de «Interfaks-Qazaqstan» agenttiginiń baspasóz ortalyǵynda Qazaqstandaǵy qarjy pıramıdalaryna arnalǵan baspasóz konferentsııasy ótedi. Baspasóz konferentsııasynyń taqyryby – «qarjy pıramıdalaryn qurýda Qazaqstannyń tartymdylyǵy».