Qazaqstanda 13 qarashada qaı joldar ashyq, qaısysy jabyq
ALMATY. KAZINFORM — «QazAvtoJol» ulttyq kompanııasy el aýmaǵyndaǵy avtojoldardaǵy qazirgi ahýal týraly málimetti jarııalady.
2025 jylǵy 13 qarasha saǵat 08:00–den bastap birneshe oblysta jyldamdyq boıynsha engizilgen shekteýler alyndy:
Aqmola oblysy:
• «Astana — Qaraǵandy — Almaty» avtojolynyń 30-92-shaqyrym aralyǵy (Jibek Joly aqy alý pýnktinen — Qaraǵandy oblysynyń shekarasy): jyldamdyq shekteýi 80 shaq/saǵ-tan 110 shaq/saǵ-qa deıin ózgertildi.
Qaraǵandy oblysy:
• «Astana — Qaraǵandy — Almaty» avtojolynyń 92-164-shaqyrym aralyǵy (Aqmola oblysynyń shekarasy — Temirtaý aqy alý pýnktine deıin): jyldamdyq shekteýi 60 shaq/saǵ-tan 110 shaq/saǵ-qa deıin arttyryldy.
Budan bólek, 7 qarasha saǵat 18:00–den bastap Aqmola oblysynda «Astana — Kókshetaý — Petropavl — RF shekarasy» avtojolynyń 19-231 shaqyrymynda (Astana qalasy — Şýchınsk qalasy aralyǵy) barlyq kólik túri úshin jyldamdyq shekteýi 110 shaq/saǵ-tan 80 shaq/saǵ-qa deıin azaıtyldy.
Aýa raıy
2025 jylǵy 13 qarashada Aqmola, Qaraǵandy, Shyǵys Qazaqstan, Jetisý, Abaı jáne Pavlodar oblystarynda qar aralas jańbyr men qar jaýady.
— Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýlerińizdi suraımyz, — delingen habarlamada.
Eske salaıyq, buǵan deıin 13 qarashada elimizdiń basym bóliginde jaýyn-shashyn, kóktaıǵaq bolatynyn jazǵanbyz.