Qazaqstanda 13 aqpan kúni ótetin mańyzdy sharalarǵa sholý
ORAL. QazAqparat - «QazAqparat» halyqaralyq aqparat agenttigi 13 aqpan kúni ótetin mańyzdy sharalar legin usynady.
Astana qalasy
Saǵat 15.00-de Senatta Ekonomıkalyq saıasat, ınnovatsııalyq damý jáne kásipkerlik komıtetiniń «23.12.2014 jyly qol qoıylǵan, 2014 jylǵy 29 mamyrdaǵy Eýrazııalyq ekonomıkalyq odaqqa Qyrǵyz Respýblıkasynyń qosylýy týraly sharttyń jekelegen erejelerin qoldaný týraly hattamany ratıfıkatsııalaý týraly» zań jobasy boıynsha keńeıtilgen otyrysy ótedi.
Saǵat 16.20-da Ortalyq kommýnıkatsııalar qyzmetinde «Іri munaıgaz jobalaryn júzege asyrý: Qazaqstan munaıservıs salasynyń aǵymdaǵy jáne kókeıkesti máseleleri» taqyrybynda baspasóz máslıhaty ótedi.
Saǵat 14.00-de «Qazmedıa» ortalyǵy» kınokontsert zalynda QR Bilim jáne ǵylym mınıstrligi «QR Bilim jáne ǵylym mınıstrliginiń 2017 jylǵy qyzmetiniń negizgi qorytyndylary jáne Elbasynyń bıylǵy Joldaýy aıasynda atqarylatyn 2018 jylǵy mindetter» taqyrybynda keńeıtilgen alqa otyrysyn ótkizedi.
Almaty qalasy
Saǵat 11.00-de QR Ulttyq kitaphanasynda belgili qazaq jazýshysy Ǵabbas Qabyshulynyń túrik tilinde shyqqan «Kóńil kóginde» esse kitabynyń tanystyrylymy ótedi.
Saǵat 11.00-de «Almaty SpetsTehParkıng Servıs» JShS «Almaty aqyly turaqtarynyń biryńǵaı avtomattandyrylǵan júıesi: 2017 jyldyń qorytyndylary jáne 2018 jylǵy josparlar» taqyrybynda baspasóz máslıhatyn ótkizedi.
Saǵat 11.00-de Almaty qalasy óńirlik kommýnıkatsııalar qyzmeti alańynda «Zeınetaqy reformasy jáne ómir quny» taqyrybynda baspasóz máslıhaty ótedi.
Saǵat 13.00-de «MELOMAN «GRAND» dúkeninde «Altyn qalam 2018» ádebı baıqaýy aıasynda kezdesý ótip, atalymdar boıynsha syılyqtar tapsyrylady.
Batys Qazaqstan oblysy
Saǵat 11.00-de óńirlik kommýnıkatsııalar qyzmetinde baspasóz máslıhaty ótip, oǵan BQO qoǵamdyq keńesiniń tóraǵasy Erbol Salyqov qatysady. Taqyryby - «2017 jyldaǵy BQO qoǵamdyq keńesiniń jumysy týraly».
