Qazaqstanda 13-15 naýryzda jaýyn-shashyn bolyp, kún sýytady
ASTANA. QazAqparat - «Qazgıdromet» RMK 2018 jylǵy 13-15 naýryzǵa aýa raıy boljamyn jarııalady, dep habarlaıdy QazAqparat.
Respýblıka oblystarynyń basym bóligi aldaǵy úsh kúnde bıiktik tsıklonynyń jáne soǵan baılanysty aýa aǵyndarynyń yqpalynda bolady. Qazaqstan aýmaǵy arqyly qozǵalǵan aýa aǵyndarynan respýblıkanyń soltústik jartysynda qar, ońtústiktiginde jańbyr jaýady, sondaı-aq tuman túsip, aýa temperatýrasy tómendeıdi, kóktaıǵaq bolady. Batys jáne soltústik oblystarda aýa temperatýrasy qazirdiń ózinde klımattyq normadan 3-7°S tómen, al aýa aǵyndarynyń almasýyna baılanysty qalǵan óńirlerde de kún sýytady.
12-14 naýryz kúnderi Almaty, Jambyl, Ońtústik Qazaqstan oblystarynda negizinen jańbyr jaýady, keı jerlerde nóser jaýyn quıady. Bul muzdardyń erýine, ózenderdiń arnasynan tasýyna ákep soqtyrýy múmkin.
Spýtnıkten túsirilgen sýretterge qaraǵanda, 2018 jylǵy 10 naýryzda qar jamylǵysy Almaty oblysy aýmaǵynyń 22%-yn, Jambyl oblasynda 3%-dy, Ońtústik Qazaqstan oblysynda 3%-da quraıdy.
12-13 naýryzda Qyzylorda oblysynda Syrdarııa ózenindegi muz odan ári erip, seń býýy saldarynan sý ózen arnasynan tasyp, shabyndyqtarǵa jaıylýy múmkin.
