Qazaqstanda 12 jańa perzenthana salynady
ASTANA. KAZINFORM — Densaýlyq saqtaý mınıstri Aqmaral Álnazarova sońǵy bes jylda perınataldy ortalyqtar salý máselesi qolǵa alynǵanyn aıtty.
— Qazaqstanda týý kórsetkishteriniń joǵarylaýyna baılanysty sońǵy bes jylda perınataldy ortalyqtar salý máselesi de qolǵa alyndy. Búgingi tańda 12 perınataldyq ortalyqtyń qujattary ázirlenip jatyr. Búgingi kúni Astanada perzenthana salynyp jatyr. Jyl aıaǵyna deıin Shymkent qalasy men Túrkistan oblysynyń perınataldy ortalyqtarynyń qurylysyn bastaımyz, — dedi Densaýlyq saqtaý mınıstri Aqmaral Álnazarova Úkimettegi brıfıngte.
Sonymen birge, brıfıngte túsik jasatý kórsetkishteri de atap ótildi. Qazir elimizde jyl saıyn 70 myńnan astam túsik jasalady. Onyń ishinde fertıldi jastaǵy — 25-35 jas aralyǵyndaǵy áıelder arasynda kóp.
Sondaı-aq, jyl basynan beri shetelden 80 myńnan astam adam kelip, Qazaqstannyń medıtsınalyq qyzmetterine júgingen.