Qazaqstanda 12 oblys aýmaǵynda kıikterdi qorǵaý aktsııasy bastaldy
«Kıik» aktsııasy Aqmola, Aqtóbe, Atyraý, Jambyl, Batys Qazaqstan, Shyǵys Qazaqstan, Qaraǵandy, Qostanaı, Qyzylorda, Mańǵystaý, Pavlodar jáne Soltústik Qazaqstan oblystarynyń aýmaǵynda ótkiziledi.
«Kıik» aktsııasyna «Ohotzooprom ÓB» RMQK-nyń Janýarlar dúnıesin qorǵaý qyzmetinen 224 ınspektor, 68 jol talǵamaıtyn avtomashına, 37 KÝNG, 23 qarda júretin kólik, 2 «Berloga» vagonshasy (OÓF, BÓF) jumyldyrylady. «Ohotzooprom ÓB» RMQK bas dırektorynyń tapsyrmasyna sáıkes, Erekshe qorǵalatyn tabıǵı aýmaqtar men janýarlar dúıesin esepteý jáne monıtorıng bólimderinen ınspektorlar jumyldyrylady», delingen habarlamada.
Budan basqa árbir óńirlik fılıalda oblystyq aýmaqtyq ınspektsııalar men ІІM ókilderi qatarynan (1-31 jeltoqsan aralyǵy) birlesken mobıldi toptar jumys isteıdi. Sondaı-aq pandemııa kezeńinde ákimdiktiń kelisimimen belgilengen karantın blok beketterde «Kıik» keń aýqymdy aktsııasy boıynsha birlesken is-shara júrgizilmek.
Eske sala ketsek, 2019 jyly kıikterdi zańsyz atqan brakonerlerge qatysty 47 fakti anyqtalyp, 641 usha men 284 kıik múıizi tárkilendi. 203 ákimshilik hattama toltyrylyp, qylmystyq jazaǵa 43 zań buzýshy tartyldy. Tabıǵatqa 3,3 mlrd teńge shyǵyn kelgen.
Aıta keteıik, 2019 jyly Memleket basshysynyń tapsyrmasymen Qazaqstanda brakonerlikke jaza edáýir kúsheıtilgen.
