Qazaqstanda 12 myń adam ekpeden bas tartty
ALMATY. QazAqparat - Bıyl Qazaqstanda 12 myń adam ekpe qabyldaýdan bas tartty. Bul týraly Almatyda ótken «Verıt ı jıt» áleýmettik medıtsınalyq forým barysynda medıtsına mamandary málimdedi, dep habarlaıdy QazAqparat tilshisi.
Mamandardyń aıtýynsha, bıyl Qazaqstanda ekpeden bas tartqandardyń sany 30%-ǵa artty.
«Bas tartqandardyń kópshiligi 2 jasqa tolmaǵan balalardyń ata-analary bolyp otyr. ıAǵnı, 70 paıyzy balalarǵa qatysty bolyp otyr. 40 paıyz adamdar dinı kózqarastaryna baılanysty bas tartty. Bir aıta keterligi, dástúrli din emes radıkaldy aǵymdaǵy baýyrlarymyz osy qadamǵa baryp otyr. Islam, hrıstıan, Iegova kýágerleri dinde ekpege qarsylyq joq ekenin aıtady. 45 paıyz adamdar óz erikterimen bas tartyp otyr. Ekpe almaǵan balanyń aýrýy óte aýyr ótetinin, ólimge ákeletinin aıtyp túsindirip jatyrmyz», - dedi Іndetti baqylaý basqarmasynyń bas sarapshysy Nurshaı Ázimbaeva.
Mamandar ekpe almaǵan adamdar arasynda juqpaly aýrýlardyń tarap ketýi yqtımal ekenine alańdaýly.
«Qazir bizde biraq ulttyq kúntizbe boıynsha tek 21 aýrýǵa qarsy qorǵanys bar. Bizdiń kúntizbe álemdegi ozyq úlgi bolsa da bizde rotovırýsqa, jelsheshekke, adamnyń papılloma vırýsyna qarsy ekpe joq», - dedi Ázimbaeva.
