Qazaqstanda 12 mln. ga astam dándi daqyldar jınaldy - Aýyl sharýashylyǵy mınıstrligi

ASTANA. 26 qyrkúıek. QazAqparat - Qazaqstanda aǵymdaǵy jyldyń 26 qyrkúıeginde aýyl sharýashylyǵy ónimderin óndirýshiler 12 mln. ga astam dándi daqyl jınady, ol elimizdiń egin jınaý alańynyń 78,2%-yn quraıdy, dep habarlanǵan Aýyl sharýashylyǵy mınıstrligine silteme jasaǵan, QR Premer-Mınıstriniń resmı saıtynda.

«Respýblıkanyń barlyq aımaqtarynda jańa ónimdi jınaý jumystary qarqyndy júrgizilýde. Oblystyq aýyl sharýashylyǵy basqarmalarynyń málimetterine qaraǵanda, búgingi kúni aýyl sharýashylyǵy ónimderin óndirýshiler 12320,4 myń ga jınaǵan, ol oblystardyń egin jınaý alańynyń 78,2%-yn quraıdy», - dep aıtylǵan habarlamada.

Sonymen qatar, qazirgi ýaqytta 15,6 mln. tonna astyq bastyrylǵan, munda ortasha astyq ónimdiligi 1 gektardan 12,7 tsentnerdi qurap otyr. 2012 jyly ortasha astyq ónimdiligi gektarynan 8,4 tsentner bolǵanyn atap aıtqan jón.