Qazaqstanda 12 mamyrda ótetin mańyzdy oqıǵalarǵa sholý
ASTANA. QazAqparat - Aldaǵy senbi, 12 mamyrda Astana men Almatyda birqatar sharalar ótedi. Aımaqtarda da mańyzdy oqıǵalar bolady, dep xabarlaıdy QazAqparat tilshisi.
ASTANA
13:30-da «Rıksos» qonaqúıinde QR Ulttyq ekonomıka mınıstri Tımýr Súleımenov otandyq sarapshylarmen kezdesedi. Jıynda aldaǵy Astana ekonomıkalyq forýmyna daıyndyq máseleleri talqylanady. Atalǵan shara kelesi aptada 17-19 mamyr kúnderi ótedi.
ALMATY
10:00-de Atakent aımaǵynda 10-shy pavılonda «Sporttyq lıga» festıvali bastalady. Aýdany 3500 sharshy metr bolatyn aýmaqta qalalyq chempıonattar uıymdastyrylady. Sporttyq sharalarǵa kez kelgen adam tegin qatysa alady. Sondaı-aq, festıval aıasynda armrestlıngten kásipqoılar arasyndaǵy Qazaqstan chempıonaty ótedi. Sol kezde álem chempıonatyna baratyn sportshy anyqtalady.
11:00-de Ál-Farabı atyndaǵy Qazaq ulttyq ýnıversıtetinde QR Syrtqy ister mınıstri Qaırat Ábdiraxmanov stýdenttermen kezdesedi. Sharaǵa oqytýshy-professorlar quramy da shaqyrylyp otyr. Kezdesý aıasynda tuńǵysh qazaq dıplomaty, qoǵam qaıratkeri, KSRO-nyń Saýd Arabııasyndaǵy alǵashqy elshisi Názir Tórequlov atyndaǵy aýdıtorııa ashylady.
SEMEI
11:00-de Semeı qalasynyń ákimi sanıtarlyq tazalaý boıynsha reıd ótkizedi. Týra sol ýaqytta «Tarlan» kesheninde Qazaqstan barysyna irikteý týrnıri bastalady.
14:00-de Dastenov kóshesindegi saýyqtyrý kesheninde voleıboldan qalalyq chempıonat ótedi.
KÓKShETAÝ
«Nur Otan» partııasy Tóraǵasynyń birinshi orynbasary Máýlen Áshimbaevtyń Aqmola oblysyna jumys sapary josparlanǵan.
ATYRAÝ OBLYSY
Atyraý qalasynda jalpy qalalyq senbilik ótedi.
9.00-de Qazaqstan respýblıkasynyń halyq ártisi, professor Ǵafız Esimov atyndaǵy І-shi Halyqaralyq vokalıster baıqaýy ótedi.
15.00-de «Retrosaıabaq» kesheninde «Munaıly ólkeniń shyraıly beınesi» atty oblysqa tanymal kolóner sheberleriniń kórme-jármeńkesi men qylqalam sheberleriniń pleneri ótedi.
ShYǴYS QAZAQTAN OBLYSY
«Qazaq sańyraýlar qoǵamy» qoǵamdyq birlestiginiń Shyǵys Qazaqstan oblystyq fılıaly 12-13 mamyrda Óskemende estý qabileti nashar azamattardan qurylǵan bıshiler ujymdarynyń respýblıkalyq konkýrsyn ótkizýdi josparlap otyr. Konkýrsqa múmkindigi shekteýli 120-dan astam azamat qatysady. Sharaǵa Qazaqstannyń 14 óńirinen 15 bıshiler ujymy qatysady. Shara 11-00-de bastaady.
