Qazaqstanda 12 qańtarda ótetin mańyzdy sharalarǵa sholý
ASTANA. QazAqparat - «QazAqparat» Halyqaralyq aqparat agenttigi Qazaqstanda 12 qańtarda ótetin mańyzdy oqıǵalarǵa sholý jasaıdy.
ASTANA
Saǵat 09:00-de Ortalyq kommýnıkatsııalar qyzmetinde Nıý-Iorkten tikeleı baılanysqa shyǵý arqyly BUU Bas hatshysy kómekshisi Mıroslav Enchtiń qatysýymen onlaın-baspasóz máslıhaty ótedi. Ol BUU Qaýipsizdik Keńesi jumysy jaıynda egjeı-tegjeıli málimet beredi dep kútilýde.
Saǵat 10:30-da Beıbitshilik jáne kelisim saraıynda «Nur Otan» partııasy Tóraǵasynyń birinshi orynbasary Muhtar Qul-Muhammedtiń tóraǵalyǵymen Memleket basshysynyń Qazaqstan halqyna «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» Joldaýyn qoldaýǵa arnalǵan «Qazaqstan - 2050» Demokratııalyq kúshterdiń jalpyulttyq koalıtsııasynyń otyrysy ótedi dep kútilýde.
Saǵat 11:00 kezinde Ortalyq kommýnıkatsııalar qyzmetinde QR Prezıdenti Nursultan Nazarbaevtyń Qazaqstan halqyna Joldaýy aıasynda memlekettik tıimdi basqarýdy damytý sharalaryna arnalǵan baspasóz máslıhaty uıymdastyrylmaq.
Sonymen qatar saǵat 15:00-de Ortalyq kommýnıkatsııalyr qyzmetinde «Jasyl ekonomıkany qoldaý jáne G-Global-dy damytý koalıtsııasy» zańdy tulǵalar birlestiginiń basqarma tóraıymy Saltanat Rahymbekovanyń qatysýymen baspasóz máslıhaty ótedi.
Saǵat 16:00-de QR Ulttyq mýzeıinde Time&Astana: After Future qazirgi zamanǵy óner kórmesi boıynsha kýratorlyq ekskýrsııa bolady.
Munymen qosa, saǵat 16:00 ýaqytynda elorda ákimdiginde Astana qalasy Qazaqstan halqy Assambleıasynyń keńeıtilgen otyrysy ótedi.
Al 17:00 kezinde Ońtústik jáne Ortalyq Azııa boıynsha AQSh Memlekettik hatshysynyń kómekshisi Elıs Ýells QR Prezıdenti Nursultan Nazarbaevtyń Vashıngtonǵa sapary men Ortalyq Azııamen yntymaqtastyq taqyryptaryna arnalǵan telefon arqyly brıfıngke qatysady. Bul shara AQSh elshiliginde uıymdastyrylmaq.
