Qazaqstanda 12 aýtızm ortalyǵy bar – mınıstr

ASTANA. KAZINFORM – Úkimet otyrysynda Oqý-aǵartý mınıstri Juldyz Súleımenova arnaıy bilim berý uıymdarynyń statıstıkasyn atady.

- Eldegi arnaıy bilim berý uıymdarynyń sany – 539. Onyń ishinde 126 psıhologııalyq-medıtsınalyq-pedagogıkalyq konsýltatsııa, 240 túzetý kabıneti, 12 aýtızm, 14 ońaltý ortalyǵy, 99 arnaıy mektep, 48 arnaıy balabaqsha bar, - dedi mınıstr.

Vedomstvo basshysy qazir Qazaqstanda 6 mln 900 myń bala bar ekenin atap ótti.

- Bul el halqynyń 34 paıyzy degen sóz. Sońǵy 10 jylda balalarymyzdy sany 1,5 mıllıonǵa artqanyn erekshe atap ótkimiz keledi, - dedi Juldyz Súleımenova.

Buǵan Premer-mınıstr Oljas Bektenov Úkimet «shynaıy muqtaj adamdarǵa ǵana kómek» qaǵıdatymen jumys isteıtinin aıtqan bolatyn.