Qazaqstanda 12,7 myń zeınetker Qarttar úıinde turady
NUR-SULTAN. QazAqparat - 2019 jyldyń 1 qańtarynda Qazaqstanda qarttar úıinde turatyn zeınetkerler sany 12 754-ke jetti, dep habarlaıdy QazAqparat tilshisi Statıstıka komıtetine silteme jasap.
2018 jyldyń sońyna qaraı Qazaqstanda arnaýly áleýmettik qyzmet kórsetetin uıymdar sany 249 bolsa, sonyń 155-i - statsıonarlyq tıptegi, 63-i - jartylaı statsıonarlyq, 30-y - ýaqytsha turatyn, taǵy bireýi - arnaýly áleýmettik kómek kórsetýdiń birneshe sharttary bar uıym.
Atalǵan uıymdarda jalpy 44 433 adam turady, sonyń 42,9%-y, ıaǵnı 19 077-si áıelder. Statsıonarlyq uıym turǵyndarynyń sany - 29 191, jartylaı statsıonarlyq uıymda 12 572 adam, ýaqytsha uıymdarda 2 378 adam, arnaýly áleýmettik kórsetýdiń birneshe sharttary bar uıymda 292 adam turady.
Arnaýly áleýmettik kórsetý uıymdary turǵyndarynyń 12 754-i zeınetker. Sonyń 5 965-i týysy joq jalǵyzbasty qarttar bolsa, 2 186 adamnyń turǵylyqty mekenjaıy joq. Aqy tólep turatyndar da bar, olardyń sany - 638. Sondaı-aq 590 adam - bas bostandyǵynan aıyrý mekemelerindegi jazasyn ótep, bostandyqqa shyqqandar. Zeınetkerlerdiń 90-y Uly Otan soǵysyna qatysqan, olardyń ishinde UOS múgedekteri de bar. Qarttar úıin panalap kelgen taǵy 41 zeınetker turmystaǵy zorlyq-zombylyqtan japa shekken.
Avtor: Ashat Ahmetbekov
