Qazaqstanda 11,4 mln tonna mal azyǵy daıyndaldy

ASTANA. KAZINFORM – 2025–2026 jylǵy qysqy kezeńge daıyndyq aıasynda QR Aýyl sharýashylyǵy mınıstrligi mal azyǵyn daıyndaý naýqanynyń barysyna monıtorıng júrgizýdi jalǵastyryp jatyr.

Mınıstrlik málimetinshe, bıyl mal azyǵy daqyldarynyń egis alqaby 3,3 mln gektarǵa jetti. Bul 2024 jylmen salystyrǵanda 128 myń gektar artyq (3,2 mln ga).

Jalpy qysqy maýsymǵa 24,5 mln tonna shóp, 1,7 mln tonna súrlem-shóp (senaj), 4,6 mln tonna saban, 5,6 mln tonna qurama jem jáne 2 mln tonna súrlem daıyndaý josparlanǵan.

Osy jyldyń 18 shildesindegi jedel derekterge sáıkes, óńirlerde 11,4 mln tonna mal azyǵy daıyndalǵan. Onyń ishinde 10,6 mln tonna shóp (jospardyń 43,4%-y) jáne 740 myń tonna senaj (43,5%) ázirlengen.

Aıta keteıik, Jambyl oblysynda jylyna 120 myń tonna ónim óndiretin mal azyǵy uny zaýyty iske qosylady.

Túrkistan oblysynda uzaqqa sozylǵan qýańshylyq saldarynan egistik alqaptary kúıip, sharýalar shyǵynǵa batyp jatyr.