Qazaqstanda 11 mln tekshe metr qar shyǵaryldy
NUR-SULTAN. QazAqparat - QR Іshki ister mınıstriniń orynbasary ıÝrıı Ilın el aýmaqtaryn qardan tazartý jumystary jóninde aıtyp berdi, dep habarlaıdy QazAqparat tilshisi.
«Qazirgi ýaqytta barlyq óńirlerdiń ákimdikteri qar shyǵarý jumystarymen aınalysýda. Osylaısha, oblys ortalyqtary men aýdandardan 11,5 mıllıonnan astam tekshe metr qar shyǵaryldy. Biraq, qys mezgili qaıtar emes. Túngi ýaqytta birneshe joldy jabýǵa týra keldi. Qostanaı, Aqmola jáne Pavlodar oblystarynda qutqarý jumystaryn júrgizdik», - dedi ıÝ. Ilın Ortalyq kommýnıkatsııalar qyzmetinde ótken brıfıngte.
Onyń aıtýynsha, erteńnen bastap, kúndizgi aýa temperatýrasy kóteriledi.
«Apta sońyna deıin kúndizgi aýa temperatýrasy 5 gradýsqa deıin kóteriledi. Túngi ýaqyttaǵy mınýstyq temperatýralar qardyń tutas erip ketpeýine septigin tıgizýde. Jalpy ІІM bólimsheleri kez kelgen jaǵdaıǵa daıyn. «Kóktem-2020» respýblıkalyq komandalyq-shtabtyq oqý-jattyǵýda azamattyq qorǵaý organdarynyń is-qımyldary pysyqtaldy,», - dedi ol.
Sý tasqyny jaǵdaıyna ishki ister organdarynan 9 myń adam jəne 1730 dana tehnıka daıyn tur.
«Jekelegen óńirlerge kúsh-quraldar jiberý jumystary naýryz aıynyń sońynda bastalady. Atap aıtqanda, ońtústik óńirlerden Shyǵysqa, Ortalyq Qazaqstanǵa jáne Soltústik, Batys baǵyttarǵa jiberilmek. Qazirgi ýaqytta Qazgıdromet bólimshesimen jáne jergilikti atqarý organdarymen tyǵyz jumys istep jatyrmyz», - dedi mınıstrdiń orynbasary.
Buǵan deıin ıÝrıı Ilın sý tasqynynyń aldyn alý jumystary jóninde aıtyp bergen edi.
